Preç Zogaj: Enigmat e “Dhjetorit të dytë”, filloi me dritat atëherë dhe me tarifat tani
"Miliona euro kapar të përfituara përmes Afrim Qendros nga Rama"
Kryetari i opozitës, Lulzim Basha, e cilëson heshtjen e Prokurorisë për çështjen e tenderit të "Unazës së Re" në Tiranë si provën se Kryeministri Rama është i përfshirë në aferë.
Basha vijoi të mbështesë së bashku me Grupin e tij Parlamentar, protestuesit e zonës së "Astirit" dhe ka akuzuar kreun e qeverisë për ndërtimin e një skeme të pastër vjedhjeje me synim grabitjen e 40 milionë eurove në parajsa fiskale. "U bënë 3 ditë që kur media ka denoncuar aferën korruptive të vjedhjes dhe pastrimit të parave të pista të korrupsionit, me të cilën Edi Rama planifikonte të transferonte miliona euro në konto bankare sekrete dhe parajsa fiskale në shtetin e Delaware. Arta Marku, e emëruar nga Edi Rama në mënyrë antikushtetuese në krye të Prokurorisë të Përgjithshme, po e bën më së miri rolin e saj duke mbroj- tur ideatorin, planifikuesin dhe përfituesin kryesor të kësaj afere. Gishtin e drejtoj drejtpërsëdrejti tek Edi Rama si njeriu që është ulur kokë më kokë me Salillarin, me Viktoria Invest, DH dhe me Biba për të ndërtuar së bashku skemën e vjedhjes së miliona eurove tek Unaza. Burime të besueshme flasin për miliona euro kapar të përfituara drejt- përdrejt përmes Afrim Qendros nga Edi Rama. A ka shqiptar që nuk e kupton që pas kësaj vjedhje qëndron Edi Rama?! A ka arsye tjetër pse nuk po vepron drejtësia? Kemi të bëjmë me një projekt të pastër vjedhjeje, siç janë edhe projektet e tjera. Çdo projekt i ARRSH është një projekt vjedhjeje dhe jo projekt zhvillimi", tha Basha. Kreu i PD- së informoi banorët se qeveria dhe Kryeministri kishin planifikuar një projekt vjedhjeje në dy faza në Unazën e Re. Sipas Bashës, fillimisht do të përfitohej nga projekti dhe më pas nga ndërtimi i pallateve. "Sot dua t'ju deklaroj me përgjegjësi të plotë se vjedhja këtu është planifikuar të bëhet me dy etapa. Vjedhja e parave të shqiptarëve ku është përfshirë edhe skema e pastrimit të parave në Amerikë dhe vjedhja përmes ndërtimit të pallateve shumëkatëshe nga përfaqësues të krimit të organizuar shqiptarë, të njohur për lidhjet e tyre me kupolën ril- indëse, të cilët, mbi tokat e mara me dhunë këtyre mijëra banorëve, planifikojnë të ndërtojnë me ndihmën e Erion Veliajt dhe Edi Ramës pallate shumëkatëshe, nga ku planifikojnë të nxjerrin dhjetëra miliona euro", sqaroi kreu i PD- së.