Katastrofë për ekonominë e Francës
Ministri i Jashtëm i Francës i bëri thirrje Presidentit amerikan, Donald Trump, që të mos ndërhyjë në politikën franceze. Deklarata u bë të dielën pas mesazheve të Trump në “Twitter” lidhur me protestat në Paris. “Ne nuk merremi me politikën e brendshme amerikane dhe duam të njëjtën gjë në këmbim. Unë dhe Presidenti francez i themi Donald Trumpit: mos u merr me vendin tonë”, tha ministri i Jashtëm, Jean- Yves Le Drian. Trump të dielën shkruante se ajo që po ndodhte në Francë ishte e trishtueshme. “Ndoshta është koha që t’i jepet fund marrëveshjes qesharake dhe jashtëzakonisht të shpenzueshme dhe t’u kthehen njerëzve paratë në Protestat e “jelekëve të verdhë” janë katastrofë për ekonominë franceze. Deklaratën e bëri ministri i Financave të Francës, Bruno Le Maire, i cili e quajti situatën si krizë edhe për shoqërinë, por edhe për demokracinë. “Është një katastrofë për tregtinë, një katastrofë për ekonominë tonë”, tha ai, teksa po vizitonte dyqanet e dëmtuara gjatë protestave në Paris. formën e taksave më të ulëta? Shtetet e Bashkuara e kanë bërë këtë me kohë dhe është i vetmi vend ku çlirimi i gazeve të dëmshme, ra vitin e kaluar”, ka shkruar Trump. Protestat në Francë sa vijnë e vihen më të dhunshme javë pas jave. Të shtunën e kaluar rreth 2 mijë vetë u arrestuan në gjithë Francën, në protestat e “jelekëve të verdhë” kundër taksave të planifikuara nga Presidenti francez, Emmanuel Macron. Kryeministri francez, Edouard Philippe, është zotuar se do rivendosë unitetin kombëtar pas protestave të dhunshme të së shtunës së kaluar, fundjava e katërt radhazi që protestuesit me jelekë të verdhë pushtojnë rrugët e Francës. Rreth 125 mijë persona protestuan të shtunën në të gjithë Francën. Policia franceze përdori gazin lotsjellës kundër protes- tuesve. Por “jelekët e verdhë” francezë duket se po frymëzojnë edhe europianë të tjerë. Protesta të ngjashme janë zhvilluar edhe në Belgjikë dhe Holandë. Qindra protestues u përleshën me Policinë gjatë një përpjekjeje për të hyrë në ndërtesën e Parlamentit Europian në Bruksel. Protestuesit bënë thirrje për dorëheqjen e Kryeministrit të Belgjikës, Charles Michel.