“Maskaradë, krim”, Rama shpërthen kundër Metës, Presidenti: S’ka fuqi të më shantazhojë

PD- LSI, KOMISION HETIMOR PER CERTIFIKATEN E GENTI CAKAJT

Panorama (Albania) - - FAQE 1 - ARISTIR LUMEZI

Presidenti Meta dhe Kryeministri Rama kanë shkëmbyer akuza të rënda mes tyre në distancë, pas refuzimit të shkarkimit të Ditmir Bushatit dhe emërimit të Genti Cakajt në krye të Ministrisë së Jashtme.

Mëngjesin e djeshëm, Presidenti Meta akuzoi Kryeministrin e vendit se e ka kërcënuar ashtu siç ka kërcënuar dhe shumë persona të tjerë me detyra shtetërore apo dhe gazetarë. “Ai që guxoi të kërcënojë komisar Zaganin pse denoncoi bashkëpunimin e trafikantëve të drogës me pushtetarët, ai që guxoi të kërcënojë nënkomisarin e Fushë- Krujës pse hetoi dhunimin e një vajze nga djali i një deputeti, ai që guxoi të kërcënojë një profesor të nderuar vetëm pse i shkroi një letër Presidentit të Republikës në mbrojtje të interesit kombëtar, ai që kërcënon çdo ditë gazetarë e pronarë mediash, ai që kërcënon prokurorë e gjyqtarë, ai që kërcënon opozitarë dhe dëshmitarë, ai që urdhëron falsifikimin e letrave të tenderave e deri te dokumente të sigurisë kombëtare bëri gabimin fatal të kërcënojë edhe Presidentin e Republikës së Shqipërisë në mënyrë të drejtpërdrejtë”, shkruan Presidenti Meta në një reagim të tij në “Twitter”. Në vijim, kreu i shtetit shprehet se nuk do të ndihet i kërcënuar dhe i shantazhuar nga askush në këtë vend. “Nuk ka fuqi në botë t’i bëjë presion e shantazh Presidentit të Republikës së Shqipërisë. Nuk ka Gjykatë Kushtetuese në botë që ndalon e interpreton kompetencat që i jep Kushtetuta e Republikës së Shqipërisë Presidentit, për emërimin e shkarkimin e ministrave e në veçanti të atyre që janë anëtarë të Këshillit të Sigurisë Kombëtare. Interesi kombëtar i pari! Shqipëria e Para!”, përfundon reagimin e tij Presidenti i Republikës.

KRYEMINISTRI Nuk vonoi dhe përgjigjja që Kryeministri Rama me një gjuhë po kaq të ashpër iu përgjigj kreut të shtetit. Po në “Tëitter”, Kryeministri, duke kërkuar që askush të mos e marrë seriozisht, shprehet se reagimi i Presidentit vjen për shkak të gabimeve që vetë ai bëri në lidhje me mosdekretimin e Genti Cakajt. “Mos e merrni seriozisht ju lutem, ose i ka vjedhur Doktoresha e Shkencave passwordin e faqes zyrtare ose pastaj është në atë fazën kur i bën thirrje popullit për të marrë armët, ngaqë s’di si të dalë nga gropa që i hap vetes! I çova provat e mëkatit ndaj Gentit dhe vuan tani”, shkruan Rama. Kjo përplasje mes dy institucioneve, Kryeministrit dhe Presidentit të Republikës, u bë temë e diskutimeve të shumta në media, nga analistë, politikanë të të gjitha krahëve, por dhe në këtë rast nuk mungoi reagimi i Kryeministrit Rama. “Janë shpërndarë kadrinjtë krra- krra- krra, nga Andi Kadriu te Kadri Lubonja e me radhë, kadri andej e kadri këtej, futur shtëpi më shtëpi nga vrima e televizorit, duke u rrekur t’i tërheqin njerëzit pas gurit që hodhi në lumë IM. Certifikata e Sigurisë?!”, shkruan Rama në një postim në “Twitter”. Dy ditë më parë, Kryeministri Rama e cilësoi të turpshëm dhe antikushtetues mosdekretimin e Cakës nga ana e Presidentit të Republikës. “Refuzimi i Presidentit për dekretimin e ministrit të ri për Europën e Punët e Jasht- me është jo vetëm antikushtetues, po dhe i turpshëm. Argumentet e dhëna nga zoti President janë të frikshme për nivelin skandaloz dhe turpëruese për institucionin. Ndjesë Kosovës për këtë turp”, shkruan Kryeministri në “Twitter”. Duke mos kursyer fjalët, Kryeministri u shpreh se ministri i ri është një mijë herë më e ditur se Presidenti i Republikës. “Që Presidenti ynë të shkelë Kushtetutën, godasë qeverinë, nëpërkëmbë një djalë të ri e të paktën 1000 herë më të ditur se ai, duke u marrë paturpësisht me fjalë si të ishte Dëshmitari X... Oh çfarë marre! IM me qyqarët e kadrinjtë mbrojnë Kosovën nga një shqiptar i Kosovës! Pupupu”, shkruan Kryeministri Rama. Duke shfrytëzuar edhe takimin vjetor me ambasadorët e huaj të akredituar në Tiranë, Kryeministri sqaroi edhe më tej qëndrimin e tij ndaj vendimit të Presidentit Meta. “E kanë sulmuar dhe shkelur dinjitetin e tij për të paktën 3 arsye: Sepse është shumë i ri, domethënë, nuk i përket botës së tyre të vjetër; Sepse është shumë i pastër, domethënë, nuk mund të akuzohet për asgjë; Sepse është nga Prishtina, domethënë, që një shqiptar nga Kosova nuk mund të marrë një detyrë kaq të lartë, por, ama, si kosovar mund të përdoret si mish për top nga të gjithë ata që haptazi ose nën rrogoz i janë kundërvënë egërsisht, me vandalizëm verbal, dialogut Kosovë- Serbi”, tha Rama.

PRESIDENTI I REPUBLIKES, ILIR META

Newspapers in Albanian

Newspapers from Albania

© PressReader. All rights reserved.