Rama i kujton Kushtetuesen, Meta: PS ka kapacitete për ministra
Kryetari i Grupit parlamentar të LSI- së, Petrit Vasili, teksa i është bashkuar debatit në distancë mes Presidentit Ilir Meta dhe Edi Ramës, u bëri thirrje shqiptarëve që të qëndrojnë larg Kryeministrit. Përmes një postimi në “Facebook”, Vasili ka kujtuar deklaratën e Ramës kur në krye të Presidencës u zgjodh Meta. Sipas Vasilit, Rama ka vlerësuar figurën e Presidentit Meta shtatë muaj më parë, ndërsa tani ai e akuzon për shkelje të Kushtetutës. Kryetari i Grupit Parlamentar të LSI- së që prej ditës së parë i është bashkuar debatit ndërmjet qeverisë dhe Presidencës mbi çështjen e dekretimit të ministrit të Jashtëm. Vasili ka shprehur gjithmonë se Cakaj nuk është i përshtatshëm për ministër të Jashtëm, duke shtuar gjithmonë edhe akuza ndaj kreut të ekzekutivit.