Veliaj: Nëse vazhdoni, humbisni ju

Edhe kryetari i bashkisë, Erion Veliaj, iu ka bërë thirrje studentëve të rikthehen në auditore. Me studentë të Mjekësisë, në nisje të punimeve për rikonstruksionin e konvikteve, kryebashkiaku ua bëri të qartë se të humburit nga kjo situatë do të jenë vetë ata. "Nëse për ideal të partisë do të vazhdojë tollovia e mosvajtjes në mësim, të vetmit që humbasin janë vetë studentët, sepse nuk do na lënë hapësirë që t'u rregullojmë dhomat për t'u kthyer në tetor. U kërkoj studentëve, jo për politikë, por vetëm për interesin e tyre, shkoni në mësim". në përgjigje të interesit të studentëve mbi kartën e rezidentit, Veliaj tha se bashkia është e gatshme ta bëjë në rast se universitetet heqin dorë nga kompetenca e tyre.