Mbyllja e basteve, procedohen penalisht 2 persona

Nga kontrollet janë gjetur pajisje që përdoreshin për baste

Nuk mbyllën pikat e basteve; Policia njoftoi dje se janë proceduar penalisht dy persona. Që prej fillimit të këtij muaji, qeveria vendosi të mbyllë të gjitha pikat e lojërave të fatit, ndërsa me këtë vendim autoritetet kanë ushtruar kontrolle në të gjithë vendin gjatë këtyre javëve për parandalimin e këtij aktiviteti, që tashmë është i paligjshëm. Burime zyrtare nga Policia e Shtetit bënë me dije se në Klos të Burrelit dhe në Tiranë, nga kontrollet, janë konstatuar pajisje që dyshohet se përdoreshin për organizimin e lotarive të paluajtshme. "Vijojnë operacionet në të gjithë vendin në zbatim të planit të masave që po merren për evidentimin dhe ndëshkimin e atyre personave që vijojnë të ushtrojnë aktivitetin e kundërligjshëm të lojërave të fatit. Gjatë 24 orëve të fundit janë evidentuar 2 raste dhe konkretisht në Tiranë dhe në Klos të Burrelit", shkruhej në njoftimin zyrtar të Policisë. Dy shtetasit e ndaluar janë Z. G. dhe E. H., ndërsa janë proceduar penalisht për veprën penale "Organizimi i lotarive të palejuara" si dhe janë sekuestruar në cilësinë e provës materiale një njësi kompjuterike, dy televizorë dhe pajisje elektronike, të cilat përdoreshin për or-

MIJË

pika bastesh dhe lotosh u mbyllën në fillim të muajit janar. Shumë prej këtyre kompanive i kanë nxjerrë në shitje pajisjet, duke i shitur nën koston e tregut. Gjithashtu, disa prej këtyre subjekteve kanë zgjedhur që të hapin nipte të reja, duke funksionuar si bar kafe. ganizimin e lotarive të palejuara.

OPERACIONI Konkretisht, në Tiranë u procedua penalisht shtetasi me inicialet Z. G., 41 vjeç, banues në Tiranë, pasi gjatë kontrollit të ushtruar në Rrugën e Dibrës, në ambientet e lokalit të tij, u konstatuan pajisje, të cilat dyshohet se përdoreshin për organizimin e lojërave të fatit. Më tej, edhe në Klos të Burrelit, u procedua penalisht shtetasi me inicialet E. H., 35 vjeç, pasi në subjektin e tij u konstatuan të montu- ara pajisje për ushtrimin e lojërave të fatit. Materialet procedurale janë referuar në prokuroritë përkatëse, ndërsa, sipas forcave blu, operacionet do të vazhdojnë. "Kontrollet kundër aktivitetit të lojërave të fatit do të vijojnë në gjithë vendin deri në ndëshkimin me ashpërsi të subjektit të fundit që ushtron këtë aktivitet antiligjor. Policia e Shtetit fton këdo të denoncojë falas në numrin 112 ose përmes aplikacionit ' Komisariati Dixhital', çdo veprimtari të tillë të kundërligjshme", përfundon njoftimi i Policisë.