Terror në Durrës, maskat të veshura si policë marrin peng djalin e biznesmenit dhe grabisin 10 mijë euro
SI NDODHI GRABITJA NE SHTEPINE E BIZNESMENIT ELTON KELMENDI. TRE PERSONA E LIDHEN BASHKE ME GRUAN E DJALIN
Të veshur me uniformë të Forcave të Ndërhyrjes së Shpejtë, maskat me armë grabisin biznesmenin e transportit.
Banesa e një biznesmeni durrsak ka rënë mbrëmjen e së shtunës pre e grabitjes. Persona ende të paidentifikuar, të maskuar dhe nën kërcënimin e armëve kanë grabitur shtëpinë e biznesmenit Elton Kelmendi, që operon në fushën e transportit ndërkombëtar. Burime thanë se tre persona të maskuar dhe nën kërcënimin e armëve kanë arritur të mësyjnë në banesën e biznesmenit 38- vjeçar gjatë mbrëmjes. Autorët e kanë pritur në ambientet e jashtme atë dhe në momentin që biznesmeni është afruar për të hyrë në banesë bashkë me djalin, i kanë vendosur armën në kokë. Nën kërcënimin e armës, grabitësit e kanë udhëzuar atë që t'u kërkonte familjarëve të hapnin derën e shtëpisë. Në momentin që bashkëshortja e tij ka hapur derën, autorët mësynë në ambientet e brendshme të shtëpisë. Fillimisht, ata lidhën çiftin e bashkëshortëve dhe djalin e tyre, ndërsa më pas kontrolluan në ambientet e brendshme të shtëpisë. Mëso- het se autorët kanë arritur që të gjejnë brenda në shtëpi një shumë parash prej rreth dhjetë mijë eurosh. Pasi morën eurot, ata lanë të lidhur biznesmenin dhe gruan e tij, ndërsa në momentin e largimit morën me vete në formë pengu djalin e tyre. Pas disa metrash, në momentin që dolën në rrugën kryesore, ata zbritën nga makina djalin e çiftit, i cili i tromaksur u kthye në banesë ku gjeti prindërit të lidhur. Menjëherë, biznesmeni lajmëroi Policinë, duke e vënë në dijeni për atë që kishte ndodhur në familjen e tij. Policia shkoi në vendin e ngjarjes dhe ka nisur hetimet paraprake, duke sekuestruar provat në vendin e ng- jarjes, si dhe kamerat e sigurisë që ndodheshin të instaluara në bizneset pranë banesës së biznesmenit. Sipas burimeve, autorët janë larguar drejt Shijakut, duke humbur gjurmët në errësirë. Për kapjen e tyre, Policia ka ngritur disa pika kontrolli në të gjithë zonën, por ende nuk kanë rënë në gjurmët e tyre. Pak pas ngjarjes, Policia e Durrësit ka shoqëruar në Komisariat për të marrë në pyetje biznesmenin e grabitur. Ai ka rrëfyer se kishte dalë shëtitje bashkë me djalin e vogël dhe pasi kishin konsumuar një kafe ishin drejtuar për të shkuar në banesë. Në momentin që është afruar për të hapur mësohet se kanë qenë autorët e grabitjes me armë dhe maskë. Policia ende nuk ka bërë identifikimin e tyre, por mësohet se janë larguar në drejtim të Shijakut pas grabitjes. portën e shtëpisë, tre persona të veshur me uniformë të Forcave të Ndërhyrjes së Shpejtë e kanë zënë në befasi, duke i drejtuar armën dhe më pas e kanë detyruar që të bëjë çfarë t'i kërkonin. I terrorizuar, 38- vjeçari ka deklaruar se nuk ka arritur të njohë asnjë prej tre autorëve, pasi mbanin maskë në kokë.