Leksion për lidershipin, Malaj: Diploma e “Luarasi” është një aset
Universiteti "Luarasi" bashkëpunim me Mccain Institute, Arizona University. Në fund të programit studentët do pajisen me certifikatë
"Diploma e Universitetit ' Luarasi' është një aset për studentët". Kështu e ka cilësuar prof. dr. Arben Malaj, i cili gjatë një leksioni të hapur mbi lidershipin shprehu vlerësimet më të larta për universitetin dhe stafin akademik.
Sipas tij, është baza historike me të cilën është rritur ky universitet, stafi, si dhe përfshirja reale e studentëve gjatë procesit mësimor, ato të cilat e bëjnë "Luarasin" një nga investimet më të besueshme sot në treg. "Patjetër që diploma e Universitetit ' Luarasi' është një aset më vete. ' Luarasi' është një nga investimet më kredibile që është bërë në sistemin universitar të vendit tonë, që nga themeluesit e tyre dhe ecuria pozitive vit pas viti. Mendoj se avantazhi kryesor i Universitetit ' Luarasi' është baza historike mbi të cilën ai është rritur, stafi akademik, përfshirja reale e studentëve gjatë procesit mësimor për të dalë në jetë, si disa individë që nesër mund të jenë pjesë e lidershipit të vendit të tyre, si në pjesën e politikës, si në pjesën e shkencave apo në pjesën e biznesit", vuri në dukje prof. dr. Arben Malaj gjatë leksionit të hapur me studentët.
LEKSIONI Në kuadër të bashkëpunimit me Mccain Institute, Arizona State University, studentët e Universitetit "Luarasi" patën mundësinë të ndjekin leksionin e radhës me temë "Lidershipi shqiptar gjatë tranzicionit. Rriteni edhe kur humbni!". Një temë, e cila riktheu në auditorët e universitetit profesor Malajn. Gjatë leksionit studentët patën mundësi të njihen me tiparet dalluese të një lideri dhe domosdoshmërinë e mod- ernizimit të lidershipit në Shqipëri. Ndërsa shprehu mirënjohjen e tij për bashkëpunimin me Mccain Institute e veçanërisht me Universitetin "Luarasi", prof. dr. Arben Malaj tha se ky investim është jashtëzakonisht i vlefshëm për përgatitjen e studentëve në të ardhmen profesionale. "Është një mundësi për të rishprehur mirënjohjen time për bashkëpunimin me këto dy institucione, veçanërisht me Universitetin ' Luarasi'. Jemi duke diskutuar me studentët lidhur me lidershipin gjatë tranzicionit shqiptar, me domosdoshmërinë për ta modernizuar lidershipin e vendit tonë, duke e orientuar atë drejt prioriteteve kombëtare, drejt konsensusit, kompromisit. Është një investim jashtëzakonisht i vlefshëm që Universiteti ' Luarasi' bën me institutin Mccain për të ndihmuar lidershipin i ri shqiptar të ketë një vizion më të qartë", tha Malaj në fjalën e tij.
"LUARASI"
Universiteti "Luarasi" vazhdon të ndjekë praktikën bashkëkohore të leksioneve të hapura me ekspertët e profesionistët më të mirë. Trajnimi "Lidershipi i Udhëhequr nga Karakteri" filloi në tetor të këtij viti akademik e në përfundim të tij, studentët do të certifikohen nga Instituti Mccain në SHBA. Ky program ka për qëllim krijimin e një kulturë të re në përgatitjen e liderëve të brezave të ardhshëm.