KUSHTETUESJA
Kryeministri Rama është shprehur se sapo të ngrihet Gjykata Kushtetuese do t'i drejtohet për të interpretuar kompetencat e Presidentit të Republikës lidhur me dekretet e ministrave të propozuar nga Kryeministri. Sipas Ramës, Presidenti nuk ka kompetencë të marrë informacione apo të bindet ose të mos bindet për një kandidaturë, por vetëm të dekretojë emrat që i dërgon Kryeministri i vendit. Këtë qëndrim, kreu i shtetit e ka konsideruar si presion që i bëhet atij për shkarkim, kur është shprehur se nuk ka Gjykatë Kushtetuese që mund ta shkarkojë atë.