Salianji: Lleshaj pupac i Ramës, më keq se Hekuran Isai

Deputeti i Partisë Demokratike Ervin Salianji ka akuzuar ministrin e Brendshëm, Sandër Lleshaj, se po sillet si pupac i Ramës dhe po dhunon dhe terrorizon studentët në universitete. Salianji i ka kujtuar Lleshajt se do të mbahet mend si ministri që urdhëroi pushtimin policor të universiteteve, duke ia kaluar edhe Hekuran Isait të diktaturës. "Ai që hesht është pupaci i Edi Ramës në Ministrinë e Brendshme. Shqetësimi kryesor i Sandër Lleshajt është dhuna dhe terrori psikologjik ndaj studentëve protestues. Është ministri që do të mbahet mend si urdhëruesi i pushtimit policor të universiteteve, duke ia kaluar edhe Hekuran Isait të diktaturës. Pupaci ushtar i Edi Ramës është ministri, i cili nuk ka folur asnjëherë të vetme për revanshin e krimit ndaj shtetit, për korrupsionin gjigand, për rendin dhe sigurinë. Të trajtosh studentët si kriminelë dhe kriminelët si partnerë është zgjedhja e anës së gabuar. Në demokraci, politikani ka frikë ligjin dhe qytetarët, ministri i Brendshëm i Republikës duhet të kujdeset për rend dhe siguri, duke nisur nga sigurimi i protestës së qetë të studentëve. Lleshaj ka zgjedhur të jetë Zhvejku i Ramës dhe jo ushtari i Republikës", deklaron Salianji. Deputeti i PD- së ka kujtuar se si në të gjithë vendin krimi po dominon, ndërkohë që Lleshaj është i shqetësuar të vërë nën kontroll protestën e studentëve. "Në Durrës bandat plaçkitin shtëpinë e biznesmenit dhe i marrin peng edhe fëmijën. Në FushëKrujë, pak km larg aeroportit të vetëm, maskat dalin duke terrorizuar dhe plaçkitur në mes të rrugës. Kur je pupaci i shefit, zgjedh pa problem të kesh partner krimin, jo studentët, zgjedh interesin personal për pushtet të KM dhe jo Kushtetutën dhe ligjin", shprehet deputeti i PD- së.