Nuse e vjehrrë u përplasën për vdekje, banorët: Merrni masa

Panorama (Albania) - - AKTUALITET - Bukurie Cufaj

DURRES - Bukurie Cufaj dhe nusja e djalit të saj, Sabie Cufaj, u përplasën për vdekje nga një automjet sapo zbritën nga urbani. Rruga ku ata humbën jetën, vetëm 2 km e gjatë, është mbushur me përkujtimore dhe tufa me lule, të vendosura në vendet ku kanë ndodhur aksidente. Kjo rrugë quhet “Vllazërimi”, por banorët e ishKënetës në Durrës e cilësojnë si “rruga e vdekjes”. Në më pak se 10 vite, në këtë rrugë kanë humbur jetën mbi 20 persona. Banorët e zonës, një ditë pas aksidentit të frikshëm, dolën në protestë për mungesën e semaforëve dhe mbikalimit që janë faktorët përcaktues në numrin e lartë të vdekjeve. Rasti i fundit ishte pikërisht ai i së shtunës mbrëma, ku një 22vjeçar përplasi për vdekje dy gra, përkatësisht vjehrrën dhe nusen. Në këtë rrugë, vetëm pak para nisjes së protestës, një drejtues automjeti u përplas me një shtyllë në anë të rrugës në tentativë për të shmangur përplasjen e një këmbësori. Sipas Policisë, viktima kanë mbetur Bukurie Cufaj dhe nusja e djalit të saj Sabie Cufaj, përkatësisht 56 dhe 38 vjeçe. Ngjarja ndodhi rreth orës 19: 30, në kohën kur vjehrra dhe nusja zbritën nga urbani për të shkuar në banesën e tyre që ndodhej disa metra më tej. Në mo- mentin që kanë zbritur, ato janë marrë përpara nga një makinë tip “BMW” me targa AA 835 BD që drejtohej nga një 22vjeçar. Shenjat e aksidentit që u mori jetën dy grave janë ende të dukshme. Banorët e zonës pohojnë se jeta e tyre mbetet e rrezikuar çdo ditë teksa kalojnë rrugën. Banorët i kërkojnë autoriteteve marrjen e masave për shtimin elementeve të sigurisë, në të kundërt aksidente të ngjashme me përmasa tragjike do të jenë të vazhdueshme. “Vetëm në dhjetë vjet mund të kenë humbur jetën mbi 25 persona nga aksidentet. Ne kemi nevojë për mbikalim dhe vendosjen e një semafori funksional që makinat të mos ecin me shpejtësi. Në rrugën me një qarkullim të lartë automjetesh dhe këmbësorësh nuk ka asnjë element sigurie. Mbikalimet për këmbësorët nuk janë vendosur. Semaforët në të shumtën e kohës ndodhen në gjendje pasive, ndërsa sinjal- istika horizontale mungon”, u shpreh një prej banorëve. Më të ekspozuar ndaj aksidenteve në këtë segment mbeten nxënësit e shkollave të cilëve iu duhet të kalojnë çdo ditë përmes qindrave automjeteve për të shkuar në shkollë dhe për t’u kthyer në shtëpi. l. m

Newspapers in Albanian

Newspapers from Albania

© PressReader. All rights reserved.