GREQI/ S’i ndaloi Policisë, 27- vjeçari kapet me drogë
GREQI – Tentoi t’i shpëtonte ndjekjes së Policisë, i riu shqiptar kapet me lëndë narkotike. Policia greke ka arrestuar një 27- vjeçar shqiptar, pasi në makinën e tij janë gjetur rreth 53 kg lëndë narkotike e dyshuar kanabis sativa. Mësohet se, Policia e vendit fqinj e ka ndjekur automjetin që vinte nga kufiri i gjelbër pas dyshimeve se po kryente trafik të lëndëve narkotike. Automjeti është tentuar të ndalohet në Kompoti, Artë, i është bërë shenjë, por i riu shqiptar në këto momente ka shtuar shpejtësinë. Policia ka vazhduar ndjekjen dhe është arritur të kapet në rrugën Olimpia, pranë vendit të quajtur Selianitika, Axaia. Nga kontrolli, brenda në mjetin e 27- vjeçarit janë gjetur dhe sekuestruar 38 pako me 53 kg kanabis sativa dhe 2 celularë. Në pranga ka rënë drejtuesi i mjetit, një shqiptar 27 vjeç, identiteti i të cilit nuk bëhet i ditur. sh. d