Kryemadhi: Largimi i Ramës mision, PS e zemëruar
TAKIM EDHE ME ALEATË TË PD- SË
Paralajmërimi i kreut të Partisë Agrare Ambientaliste, Agron Duka, se nëse nuk do të ndryshohet Kodi Zgjedhor, do të shkojë drejt krijimit të një poli të tretë politik, ka filluar të konkretizohet. Krerët e partive joparlamentare janë mbledhur në një tryezë të përbashkët ku kanë diskutuar mbi dëmin që Kodi aktual Zgjedhor sjell për partitë e vogla. Kreu i PAA- së, Agron Duka, gjatë këtij takimi, deklaroi se forcat e vogla politike të cilat dëmtohen drejtpërdrejt nga ky Kod Zgjedhor, duhet të lënë mënjanë ideologjitë e tyre politike dhe të bashkohen. "Ne duhet të ndjekim një rrugë tjetër, e cila kalon
Vendimin për t'u shkëputur nga koalicioni opozitar dhe për të krijuar një pol të ri politik, Duka ua ka shprehur edhe disa prej aleatëve të PD. Sipas tij, me këto forca politike është ende në proces negocimi, por pa ndryshime në Kodin Zgjedhor, të gjitha partitë duhet të bëhen bashkë.
në mënyrë të domosdoshme nëpërmjet bashkimit tonë. Nëse ne do të jemi të aftë të ndërtojmë një aleancë të bazuar mbi qëllimin që na bashkon, ky do të ishte një tregues real i forcës sonë. Njëkohësisht, duke forcuar pozitat tona, ne do të jemi në gjendje të faktorizojmë dhe t'i japim peshën e duhur kërkesës sonë legjitime për ndryshimin e Kodit Zgjedhor. Unë besoj realisht që ne e kemi këtë mundësi. Mjafton të shohim rezultatet e zgjedhjeve vendore të vitit 2015. Në ato zgjedhje, partitë joparlamentare arritën të marrin mbështetjen e rreth 400 mijë votuesve. Nëse duam të shmangim kasaphanat e deritanishme elektorale, bashkimi mbetet rruga e vetme. Prandaj, t'i lëmë mënjanë ndasitë ideologjike që mund të ekzistojnë midis nesh, sepse sfida që kemi përballë ka në thelb diçka më të rëndësishme: votën e lirë dhe të ndershme, që është themeli i demokracisë. Nëse të gjithë tok nuk zgjidhim këtë problem, vota e lirë e shqiptarëve, qeverisja demokratike dhe mbijetesa e partive alternative do të jenë gjithmonë e më shumë në rrezik", tha Duka.