HOXHA DREJTONTE GRUPIN KU ISHTE ALKET HATIJA
I arrestuari është Hekuran Hoxha, 48 vjeç, i njohur si "Roni", nga Xhafzotaj i Durrësit, i cili dyshohet të jetë një nga organizatorët për ngritjen e laboratorit të heroinës në Has. Nga ana tjetër, ai dyshohet se bënte koordinimin me shtetasit turq të përfshirë në këtë grup, për sigurimin e lëndës së parë. Kjo edhe për shkak të kontakteve që kishte krijuar më shumë se 10 vjet më parë, kur ishte arrestuar edhe 2 herë të tjera për trafik heroine. Dy ditë më parë, Gjykata e Krimeve të Rënda ka caktuar ndaj tij masën e sigurisë "Arrest me burg" në mungesë, masë që u ekzekutua mbrëmjen e djeshme nga Drejtoria Hetimore Qendrore dhe Prokuroria e Krimeve të Rënda.
DOSJA Gjatë operacionit "Vol- Vo 4", nëpërmjet të cilit u goditën 4 grupe kriminale me 27 të arrestuar, u shpallën në kërkim edhe 17 persona, 4 prej të cilëve vetëm për laboratorin e heroinës që u zbulua në Brenog të Hasit. Në dosjen e Prokurorisë së Krimeve të Rënda renditen të gjitha veprimet hetimore, përgjime telefonike e ambientale, gjatë të cilave dalin në skenë emrat e të gjithë personave të përfshirë në organizimin e laboratorit të drogës. Sipas veprimeve hetimore, ideatori i ndërtimit të një objekti të tillë për përpunimin, jo vetëm të heroinës, por edhe të kokainës, është një biznesmen nga Tirana, pronar i një hoteli në afërsi të Aeroportit të Rinasit. Nga të dhënat e siguruara nga dosja e Prokurorisë, biznesmeni Admir Hoxha është njeriu që ka udhëhequr ngritjen e këtij laboratori në bashkëpunim me disa anëtarë të arrestuar të grupit kriminal nga Shijaku. Sipas Prokurorisë, Admir Hoxha ka mbajtur kontakte me shtetasit Hekuran Hoxha dhe Sajmir Gjepali nga Shijaku, me qëllim trafikimin e lëndëve narkotike. HETIMI Sipas dosjes së Prokuror- isë, dy nga anëtarët e grupit të Shijakut, Sajmir Gjepali dhe shtetasi Hekuran Hoxha, i cili ka qenë i dënuar më parë në Turqi si i akuzuar për trafik heroine, ka pasur komunikime me biznesmenin nga Tirana për laboratorin e drogës në Has. Prokuroria ka dokumentuar një takim Hekuran Hoxha u arrestua për herë të parë në vitin 2009, si kapoja i një grupi të strukturuar kriminal, që trafikoi 488 kg heroinë, pjesë e të cilit ishte edhe Alket Hatija. Organizata kriminale që kishte si specialitet të sajin trafikimin e heroinës nga Shqipëria në Itali, u shkatërrua nga Prokuroria e Krimeve të Rënda dhe Antimafia italiane. Grupi shqiptar që përbëhej nga 5 shtetas nga zona e Shijakut, kishte mundur që gjatë viteve 2003- 2004 të dërgonte në brigjet italiane sasinë rekord të 488 kg heroinë, që e siguronin në Turqi. mes Admir Hoxhës me dy shtetasit turq, Nedjet Cesuroglu allias Lavdërim Limani dhe Iskender Sale në hotelin e tij në Rinas, si dhe me shtetasin nga Kosova, Xhemal Shala. Këta dy persona nga Turqia, sipas Prokurorisë, kanë sjellë lëndën e parë për ta kthyer në heroinë.