Mashtrimi për rimbursimet, në pranga dy farmacistë
Pjesë e skemës 3 farmaci në Tiranë, të përfshirë edhe 14 mjekë
Ekzekutonin receta fiktive, në disa raste edhe për persona të vdekur, Policia e Tiranës arreston dy farmacistë.
Referuar njoftimit të Prokurorisë, nën masën e sigurisë "Arrest në burg" janë vënë Petrit Nezir Skura dhe Gazmend Pajtim Aliaj. Hetimet për rastin kanë nisur në muajin qershor të vitit 2018, ndërsa në skemën e mashtrimit janë përfshirë edhe 14 mjekë, të cilët lëshonin receta nga 2 deri në 27 herë, për pacientë që janë pajisur me ilaçe ose në ditën e vdekjes, ose një ditë më pas. "Prokuroria pranë Gjykatës së Shkallës së Parë Tiranë, më datë 12 qershor 2018, ka regjistruar procedimin penal nr. 4628, që bën fjalë për veprën penale të "Shpërdorimi i detyrës", parashikuar nga neni 248 i Kodit Penal. Ngjarja ka të bëjë me dyshimin e krijuar se farmacitë me vlerën e rimbursimit më të madh për vitet e fundit, siç janë Bioplus, Medigreen dhe Geni & Lori, nëpërmjet mashtrimit kanë përfituar fonde dhe subvencione nga shteti, duke përfituar nga fakti se kanë kontratë me FSDKSH- në, për rimbursimin e ilaçeve që ata shesin. Ekzis- tojnë dyshime të arsyeshme se në rastin konkret janë konsumuar edhe elemente të veprës penale të "Mashtrimi kompjuterik", parashikuar nga neni 143/ b i Kodit Penal dhe "Mashtrimi në subvencione", parashikuar nga neni 144 i Kodit Penal", ka njoftuar zyrtarisht Prokuroria.
SKEMA Referuar Prokurorisë së Tiranës, hetimet kanë nisur në 12 qershor të vitit të shkuar, ku Prokuroria ka arritur të zbulojë rimbursimin e recetave për rreth 400 persona, për një periudhë kohore 3 muaj dhe këto shuma janë përfituar në shkelje të ligjit nga farmacitë e mësipërme. Nëpërmjet mashtrimit, ata kanë përfituar fonde dhe subvencione nga shteti, duke përfituar nga fakti se kanë kontratë me FSDKSH- në, për rimbursimin e ilaçeve që ata shesin. Sipas Prokurorisë, nga këqyrja e regjistrit të Gjendjeve Civile kanë rezultuar të rimbursuara 79 receta për 35 shtetas, të cilët janë pajisur me ilaçe disa herë, duke qenë të vdekur. Këto receta janë ekzekutuar nga farmacitë që drejtohen nga personat e vënë në pranga. Vlera e rimbursimit varion deri në 30,000 lekë të rinj për recetë.
RREZIKU Bazuar në njoftimin e Prokurorisë, ekzistojnë shkaqe të bazuara për të menduar se ka rrezik largimi, për shtetasin Petrit Nezir Skura, duke bërë të domosdoshëm urdhërimin e ndalimit të këtij personi.
PERSONA
kanë marrë receta për një periudhë kohore 3 muaj, për të cilat është bërë edhe rimbursimi. Këto shuma janë përfituar në shkelje të ligjit nga farmacitë e mësipërme "Mbështetur në të dhëna të bazuara, se personi dyshohet për një krim dhe ka rrezik të largohet për t'i shpëtuar procedimit, në bazë të nenit 253/ 1 të Kodit të Procedurës Penale, prokurori urdhëroi ndalimin e shtetasit Petrit Nezir Skura, i datëlindjes 01.08.1948, i dyshuar për kryerjen e veprës penale të ' Mashtrimi kompjuterik' dhe ' Mashtrimi në subvencione', parashikuar nga neni 143/ b dhe 144 i Kodit Penal. Ndalimin e shtetasit Gazmend Pajtim Aliaj, lindur në Delvinë, i datëlindjes 16.02.1976, i dyshuar për kryerjen e veprës penale të ' Mashtrimi kompjuterik' dhe ' Mashtrimi në subvencione', parashikuar nga neni 143/ b dhe 144 i Kodit Penal", përfundon njoftimi i Prokurorisë.