Idrizi, kritika opozitës: Të japë alternativën e saj

“S’mund të merret vendim për të larguar Ramën, është e vetmja detyrë”

Kreu i PDIU- së, Shpëtim Idrizi, ka kritikuar vendimet e marra nga PD në mbledhjen e Këshillit Kombëtar.

Idrizi tha se rrëzimi i Ramës është detyrë e opozitës dhe jo të merret vendim për këtë. Për kreun e PDIU- së, opozita sot duhet të jepte alternativën e saj, se çfarë do të bëjë me arsimin, ekonominë, cila është alternativa e saj për të qeverisur. “Studentët nuk duhet t’i linim vetëm. Opozita duhet të fuste kokën e shpirtin brenda për t’i mbështetur, u ngritën për përgjysmimin e taksave, prindërit e tyre s’kanë mundësi t’i çojnë në shkollë. Opozita duhet të ishte shpresë për ta, e bashkuar, e qartë, duhet t’u jepte zgjidhje gjithë pyetjeve. Ç’do bëjnë me ekonominë, arsimin. Sot, jo nesër. S’e kuptoj dot si mund të merret ven- dim të heqë Ramën? Ka ndonjë detyrë tjetër opozita?! Detyra është të shpalosë platformën. Shqiptarët sot kanë nevojë për zgjidhje dhe opozita duhet të japë alternativën e saj pse do të vijë në pushtet, për të ndryshuar qeverisjen, jo vetëm për të zëvendësuar një emër”, tha Idrizi. Ai akuzoi politikën shqiptare për zvarritje të çështjes çame, duke akuzuar Greqinë për kapje të politikës sonë. “Tentakulat e Greqisë atëherë e sot janë bren- da politikës shqiptare”, u shpreh kreu i PDIU- së. “Është e pafalshme për liderët politikë shqiptarë, se si po e përdornin çështjen e çamërisë. Në 2004- n prezantuan një rezolutë për Çamërinë, po ç’ndodhi, a mund dot një Parlament i shqiptarëve të mos miratonte një rezolutë për shqiptarët e Çamërisë. Kemi duruar shumë, kemi pranuar shumë, na u desh që vetëm duke hyrë fort e brenda në politikën shqiptare mund të bënim presion. Ne jemi të vetëm nga politika shqiptare, por jemi bashkë me çdo shqiptar kudo ku janë”, u shpreh Idrizi. “Greqia nuk e heq ligjin e luftës, e kam thënë sa e sa herë, ka qenë vallja e Zorbës për të marrë koncesionet e radhës. Do e heqin vetëm kur të kenë përballë një shtet shqiptar me dinjitet”, vijoi më tej Idrizi, ndërsa shtoi se ligji i luftës është turpi i Greqisë. “Ka edhe një zgjidhje që politika se ka përmendur asnjëherë, shteti e zgjidh nëse do, lexoni rezolutën, jemi dy vende të NATO- s, ne dhe Greqia nuk jetojmë të vetëm në këtë botë, ta hapin këtë problem në mbledhjen e parë të ministerialit të NATO- s, ku ulen e nuk pipëtijnë politikanët shqiptarë”, theksoi Idrizi.