LISTA ZYRTARE E ATP Kompensimi, pronarët që kanë edhe 10 ditë afat

Emrat e pronarëve që iu ka përfunduar vlerësimi financiar

Në fund të këtij muaji skadon afati i ankimimeve për ata pronarë, që janë njohur me vlerën e kompensimit.

Në fund të muajit dhjetor, Agjencia e Trajtimit të Pronave përfundoi vlerësimin financiar për 80 familje. Gazeta risjell edhe njëherë për botim emrat e pronarëve, për të cilët është përllogaritur masa e përfitimit. Bëhet fjalë për vendime të dhëna nga viti 1993 deri në 2009ën. Afati 1- mujor i caktuar me ligjin e ri për t'iu drejtuar Gjykatës Administrative të Apelit skadon në fund të këtij muaji, duke mos u lënë më asnjë hapësirë pronar- ëve, të cilët nuk janë pajtuar me masën e kompensimit. Prej 1 shkurtit, çdo vlerësim është i ekzekutueshëm, çka do të thotë se këta pronarë, të cilëve iu është përllogaritur fatura e kompensimit, nuk do të kenë asnjë mundësi apo hapësirë ligjore në favorin e tyre për ta kundërshtuar. Me tejkalimin e këtij afati, këto familje humbasin përveç mundësisë së shfrytëzimit të shkallëve të gjyqësorit shqiptar, edhe mundësinë që t'i drejtohen Gjykatës së Strasburgut.

APLIKIMI Por nga ana tjetër, përfundimi i vlerësimit financiar iu jep mundësi këtyre familjeve që kanë emrin në listë të paraqiten në Agjenci për të aplikuar. Sipas ndry- shimeve ligjore, prioritet në çdo rast do të ketë kompensimi në pronën e njohur. Pra, për çdo familje të shpronësuar do të shikohet fillimisht mundësia që t'i kthehet një pjesë e tokës që i është konfiskuar. Nëse ky opsion dështon, atëherë pronarëve iu lind e drejta të kompensohen financiarisht. Me ndryshimet e bëra ata mund të marrin 20% të vlerës së faturës, por jo më shumë se 10 milionë lekë të rinj. Për pjesën e mbetur do të kompensohen nga fondi i tokës që ATP- ja disponon. Kujtojmë që janë 23 mijë hektarë tokë bujqësore dhe rreth 40 milionë dollarë. Ligji përcakton që 30 për qind e fondit vjetor të përdoret për skemën e kompensimit me këste.

SKEMA E PËRSHPEJTUAR Skema e kompensimit me këste iu jep mundësi pronarëve të trajtohen në mënyrë të përshpejtuar, por kjo nuk kalon pa penalitete. Kështu, një familje pronare trajtohet financiarisht përmes një kërkese për të përfituar 20% të shumës brenda 1 viti, 30% brenda 3 vitesh dhe 40% brenda 5 vitesh, duke hequr dorë nga pjesa tjetër e kompensimit. Që do të thotë, pavarësisht nëse vendimi është i ri në kohë, pavarësisht llojit të pasurisë së njohur dhe pavarësisht se sa arrin vlera e kompensimit, pronarët trajtohen financiarisht sipas kërkesës për 1, 3 apo 5 vite, por duke marrë vetëm një pjesë të kompensimit dhe jo të plotë.