QËNDRIMI I KRYEMINISTRIT HARADINAJ

Ramush Haradinaj ka përmendur ‘ luftën’ kur ka komentuar mbi prekjen e kufijve të Kosovës, pasi propozimi i Presidenti Thaçi për të përfshirë Luginën e Preshevës në bisedimet me Serbinë u “përkthye” menjëherë nga ekspertë të shumë shqiptarë dhe të huaj, si rikthim i idesë së shkëmbimit të Veriut të Kosovës me Luginën e Preshevës, një opsion i propozuar shumë kohë më parë nga Serbia. Aktualisht, Kosova ka hyrë në dialog me Serbinë edhe me një ekip negociator, të cilin e udhëheq Fatmir Limaj e Shpend Ahmetin si lehtësues të marrëveshjes, që do të arrihet mes Thaçit dhe Presidentit serb, Aleksandar Vuçiç. është vetëm për të shkëmbyer territore, por edhe për shumë aspekte të tjera”, ka thënë Presidenti i Kosovës për agjencinë austriake “APA”. “Është një risi që Rusia do të mbështesë një marrëveshje, e cila do të jetë e pranueshme për të dyja palët”, ka thënë Thaçi. Kur u kthye në Kosovë, ai shkroi se marrëveshja finale përfshin korrigjim kufijsh. “Kjo marrëveshje nuk ka të bëjë vetëm me korrigjimin e kufijve, por edhe me aspekte të tjera. Kjo marrëveshje do të jetë gjithëpërfshirëse, e cila trajton edhe çështje të tjera, si çështjen e personave të zhdukur nga lufta e fundit, të cilët edhe më tutje nuk janë kthyer në vendlindje”, ka shkruar Thaçi në një status në FB. Nuk është e qartë nëse termi i përdorur në intervistë për median austriake është lapsus i gazetarit apo nëse Presidenti i Kosovës është shprehur vërtet ashtu. Nuk ka pasur përgënjeshtrim të menjëhershëm të tij për intervistën. Ideja për ndryshimin e kufijve në Ballkan është kundërshtuar nga të gjitha partitë politike në Kosovë, përfshirë edhe ish- partinë e tij, PDK, si dhe nga shumë vende të BE- së.