Lilaj shënon në “Superiore”, Gjimshiti asist në goleadë

Për një moment mund të konsiderohej ndeshje e Kategorisë Superiore. Dy ish- futbollistët e Skënderbeut Sabien Lilaj dhe Xhejms së bashku me një ish- lojtar të Kukësit si Rauf Alijev kanë zhvilluar një ndeshje miqësore përballë Enis Gavazajt, një tjetër i larguar nga korçarët. Madje, shumë prej tyre kanë qenë protagonistë në një përballjeje miqësore mes skuadrës së Gabalasë dhe asaj të Jeniseit. Golat "shqiptarë" kanë prodhuar rezultatin final 22, duke bërë që një tjetër futbollist i Kombëtares t'i shtohet listës së atyre që kanë sinjalizuar trajnerin Panuçi me gola si "SMS" për nisjen e vitit. Mesfushori i Kombëtares, Sabjen Lilaj, ka gjetur rrugën e rrjetës në miqësoren e zhvilluar ndaj skuadrës së Jeniseit, ku aktivizohet shqiptari tjetër Enis Gavazaj. Gabala kaloi e para në avantazh në minutën e 53- të me anë të ish- sulmuesit të Kukësit, Rauf Alijev. Mirëpo, ky gol nuk e zgjati shumë festën e skuadrës azere, pasi pas 3 minutash rusët barazuan shifrat. Për të kaluar sërish në avantazh Gabalën mendoi Sabjen Lilaj, i cili në minutën e 73- të ktheu në gol një 11- metërsh të fituar nga Alijev. Teksa pritej vetëm fundi i kësaj përballjeje miqësore, Jenisei gjeti sërish golin kur kishin mbetur vetëm 3 minuta nga fundi. Gol që prodhoi edhe rezultatin final 2- 2. BERISHA- GJIMSHITI Merkato është ende e hapur dhe emri i tij lakohet për disa mundësi transferimi brenda dhe jashtë Italisë, por Berat Gjimshiti është konfirmuar edhe një herë tjetër si lojtari i duhur për Xhanpiero Gasperinin. Në ndeshjen e parë të së dielës në Serinë A, Atalanta shkatërroi Frozinonen me rezultatin e thellë 0- 5, ku në fushë ishin Berisha dhe Gjimshiti, të cilët janë aktivizuar që nga minuta e parë si titullarë. Në këtë përballje, të dy kuqezinjtë kanë lënë gjurmë pozitive, duke merituar në fund edhe notat gjashtë dhe 6.5. "Një ndërhyrje e saktë në një ndeshje që ishte thuajse e përfunduar për nga rezultati. Bën daljen e duhur ndaj Pinamontit, duke e devijuar në goditje nga këndi tentativën e sulmuesit për parabolë. Në pjesën e mbetur të ndeshjes është thuajse një spektator luksi për Atalantën", ka qenë shpjegimi i notës për portierin kuqezi. Mbrojtësi, krahas lajmeve në merkato ka shpërblyer edhe një herë tjetër besimin që i ka dhënë trajneri Gasperini në ndeshjet e Serisë A. Nota 6.6 për mbrojtësin kuqezi, i cili bëhet protagonist në golin e tretë të shënuar nga bergamaskët, duke shkatërruar një aksion të kundërshtarit, driblim prej bomberi në hyrje të zonës dhe pasimin final. "Ofron garancinë e duhur për katërkëndëshin e Atalantës, teksa sulmuesit kundërshtarë duken thuajse inekzistentë. Gjysmë note i shkon për golin e 3- 0, teksa ndalon aksionin kundërshtar dhe me një veprim të bukur pason për aksionin që finalizohet për golin e tretë nga Zapata", ishte shpjegimi për Gjimshitin.