Filologjiku, në grevë kundër ligjit dhe VKM- ve
“Në Gjykatë për rrëzimin e vendimeve, cenojnë rëndë autonominë”
Ligji i arsimit të lartë dhe vendimet e fundit të qeverisë nxorën dje në grevë pedagogët e Fakultetit të HistoriFilologjisë. Bashkë me studentët, të cilët prej një muaji e gjysmë kanë bojkotuar mësimin, ata qëndruan përgjatë gjithë ditës në oborr, në shenjë proteste ndaj qëndrimit të mbajtur nga qeveria ndaj studentëve dhe me dy kërkesa të reja: rrëzimi i ligjit dhe VKMve të dhjetorit, të cilat cenojnë autonominë universitare dhe lirinë akademike. Në rast se qeveria nuk reflekton, pedagogu Agron Gjekmarkaj deklaron se në një moment të dytë, kjo betejë mund të zgjidhet në Gjykatë. "VKMtë, të cilat kanë dalë një pas një si simite të ngrohta nga qeveria, disa prej tyre përpiqen të reflektojnë shqetësimet e studentëve, por një pesë e tyre cenojnë rëndë autonominë universitare. Ndoshta në një hap të dytë, Universiteti publik i Tiranës do t'i drejtohet Gjykatës Administrative për t'i rrëzuar ato. Nuk mund të lejojmë që universiteti të merret në pa- Protesta studentore ka ndarë të rinjtë e universiteteve. Ndërsa në disa fakultete firon numri i të ngujuarve, të tjerë, si Universiteti i Shkodrës, një ditë më parë, vendosën të futen në ngujim. Bastionet kryesore të rezistencës në Tiranë vijojnë të mbeten Ekonomiku, Shkencat Sociale, Drejtësia e Politekniku, ndërsa në rrethe ka një përfaqësi të vogël studentësh në çdo universitet që bojkoton. tronazh nga ministrat e qeverisë Rama", nënvizoi pedagogu, duke i bërë thirrje qeverisë Rama të mos bëjë propagandë, por të plotësojë realisht kërkesat e studentëve. Problemi i vetëm për trupën akademike nuk janë vendimet e fundit në kuadër të paktit të qeverisë me stu- dentët, por vetë ligji në thelb. Për Gjekmarkajn, nëse ligji i arsimit të lartë, i hyrë në fuqi prej tre vitesh, nuk rrëzohet, universiteti asnjëherë nuk mund të ketë mbarëvajtje. "Ligji i arsimit të lartë ka futur në kundërvënie të gjitha strukturat duke paralelizuar punë e gjithsecilës. Duke mos pasur marrëdhënie koordinimi mes rektorit dhe administratorit, senatit dhe bordit.... administratori që ne kemi është një eksponent politik i PS- së, i cili bëri një akt të turpshëm duke iu drejtuar Policisë që të vijë të shpërndajë me forcë studentët, gjë që s'kishte ndodhur as në 1990 kur studentët u ngritën për pluralizëm dhe demokraci. Këto janë produktet e një ligji që është konceptuar si një ligj politik për ta futur nën tutelë dhe nën kontroll universitetin publik për ta bërë shtojcë të politikës", sqaron pedagogu i HistoriFilologjisë. Të premten e javës që shkoi, me një vendim unanim, asambleja e fakultetit vendosi grevën ditore paralajmëruese. Por kjo nuk do të mbyllet me kaq. Të tjera masa përshkallëzuese pritet të merren nëse qeveria nuk reagon.