Kompensimi, emrat që ndajnë 1.2 milionë USD
Agjencia e Pronave ndan 1,2 milionë USD për kompensimin e pronarëve. Zbardhet vendimi i djeshëm me listën e familjeve përfituese në Tiranë dhe 5 qarqe
Janë 80 familje që marrin paratë e kompensimit për tokën që iu është zënë nga ndërtimet pa leje.
Agjencia e Pronave ka publikuar dje listën e përfituesve në pesë qarqe të vendit, përkatësisht Tiranë, Shkodër, Vlorë, Durrës dhe Elbasan. Në këtë fazë të parë, këto familje marrin 70 për qind të vlerës që ka prona sot në treg për pjesën e mbetur, pra, 30 për qind do t'u duhet të presin. "ATP njofton se më datë 12.07.2019, ka përfunduar procesin e shqyrtimit për 80 kërkesa të paraqitura nga subjektet përfitues, pronarë të pasurive të paluajtshme, pronë private, të prekura nga ndërtimet informale, që përfitojnë deri më tani kompensimin/ shpërblimin në vlerë, në masën 70% të shumës së përgjithshme në të holla, të miratuar me Vendimet përkatëse të Këshillit të Ministrave", thuhet në njoftimin e Agjencisë.
FONDI
Fondi i vënë në dispozicion për kompensimin financiar të këtyre familjeve kap vlerën e rreth 1.2 milionë dollarëve. Sipas ATP- së, paratë do të kalojnë përmes llogarisë bankare në ditët në vijim. "80 kërkesat e miratuara përfitojnë këstin e parë, të dytë, të tretë, të katërt dhe të pestë të kompensimit në të holla, në një total prej 70% të vlerës totale të miratuar me VKM- të përkatëse. Fondi financiar që shpërndahet nga ATP për këto 80 kërkesa, është në vlerën 142 082 563,48 lekë. Agjencia e Trajtimit të Pronave njofton subjektet e interesuara se vlerat përkatëse për secilin përfitues do të jenë disponibël në llogaritë e tyre në bankat e nivelit të dytë pas përfundimit të procedurave të transfertave bankare në ditët në vazhdim", sqarohet më tej nga Agjencia.
SITUATA
Prej më shumë se një viti, të vetmet aplikime që po shqyrtohen nga ATP kanë qenë kërkesat e dorëzuara nga pronarët që preken nga ndërtimet pa leje si edhe ata, të cilët kanë aplikuar për t'iu nënshtruar skemës së pagesës me këste. Por, ndonëse puna për kompensimin e këtyre familjeve nuk është
1.2 MILIONË DOLLARË është fondi që do të ndahet nga Agjencia e Trajtimit të Pronave për pronarët e shpronësuar për efekt të procesit legalizues. Gjithsej, janë 80 familje që do të përfitojnë kompensimin në masën 70 për qind të vlerës që prona ka sot në treg.
pezulluar as gjatë reformës së ndërmarrë këtu e tri vite më parë, situata mbetet sërish gri. Janë të shumtë ata pronarë, të cilët nuk kanë marrë kompensimin dhe kjo ka ardhur sa prej neglizhencës së tyre, aq edhe prej burokracive që kanë shoqëruar këtë proces.