Tronditet Skënderbeu, KAS i jep goditjen fatalet
10 vite mospjesëmarrje në Europë dhe gjobën 1 milion euro
KAS i thyen "shpatën", me të cilën Skënderbeu ka provuar deri më tani të mbrohet përballë një njolle të ashpër dhe të paprecedent deri tani, duke lënë në fuqi dënimin e akorduar nga UEFA.
Dje është publikuar njoftimi për shtyp i Gjykatës së Arbitrazhit Sportiv ( KAS) në lidhje me apelimin e bërë nga Skënderbeu për vendimin e trupës së Disiplinës dhe Apelit në UEFA, duke konfirmuar arsyetimet e kësaj të fundit si të drejta dhe të bazuara në një ndëshkim, që është proporcional me përfshirjen në veprimtari, që kanë të bëjnë me paracaktimin dhe manipulimin e rezultateve në disa kompeticione. Rreth mesditës së djeshme është konfirmuar edhe në shkallën e fundit të gjykimit sportiv, se Skënderbeu është fajtor. NJOFTIMI I KAS- IT Rreth mesditës së djeshme, KAS publikoi vendimin e trupës që ka marrë në shqyrtim apelimin e Skënderbeut. Më poshtë, njoftimi i KAS- it: Gjykata e Arbitrazhit për Sport ( KAS) ka hedhur poshtë ankimimin e parashtruar nga klubi shqiptar i futbollit, Klubi Sportiv Skënderbeu, kundër vendimit të lëshuar nga Komisioni i Apelit të UEFA- s, i lëshuar më 26 prill 2018 (" Vendim i Ankimuar"), i cili konfirmoi vendimin e nxjerrë më 29 mars 2018 nga Komisioni i Etikës dhe Disiplinës në UEFA ( UEFA CEDB), i cili e gjeti KS Skënderbeun përgjegjës për aktivitete të ndryshme të fiksimit të ndeshjeve dhe e përjashtuan klubin për të mos marrë pjesë në veprimtaritë e
KUALIFIKIME
në zonën e Kupave të Europës i duhen Skënderbeut për të shlyer dënimin e dhënë nga Komisioni i Disiplinës dhe Apelit në UEFA. Gjithashtu, korçarët duhet të paguajnë edhe gjobën 1 milion euro. organizuara nga UEFA, nëse kualifikohen për 10 vite, si dhe urdhëroi klubin për të paguar një gjobë prej 1 milion eurosh. Në maj 2018, KS Skënderbeu paraqiti apelimin në KAS, duke kërkuar anulimin e Vendimit të Ankimuar si dhe sanksionet disiplinore. Gjykimi i KAS- it u krye nga një panel i gjyqtarëve, i cili zhvilloi një seancë dëgjimore me palët në selinë e KAS- it, më 16 prill 2019. Në bazë të dëshmive që kishte në dispozicion, paneli i KAS- it është mjaftueshmërisht i bindur se KS Skënderbeu ishte përgjegjës në aktivitetet e fiksimit të ndeshjeve dhe arriti në përfundimin se sanksionet e marra nga Komisioni i Etikës dhe Disiplinës në UEFA ( UEFA CEDB) ishte proporcional dhe i justifikuar. Rrjedhimisht, ai hodhi poshtë apelin dhe konfirmoi Vendimin e Ankimuar.
Pas njoftimit të KAS- it për vendimin e dhënë në lidhje me apelimin e Skënderbeut, ka reaguar gjatë pasdites edhe UEFA. Me anë të një postimi në faqen zyrtare, institucioni europian i futbollit mburret për hetimin e bërë nga Komisioni i Disiplinës dhe Apelit si dhe për sistemin e monitorimit të koeficienteve të basteve, si tepër të saktë dhe tashmë të besuar edhe nga vetë KAS për funksionimin e tij në luftën kundër trukimit të ndeshjeve. Ja reagimi i UEFA- s: UEFA mirëpret vendimin e Gjykatës së Arbitrazhit Sportiv, që rrëzoi apelin e përpiluar nga KS Skënderbeu kundër vendimit të Komisionit të Apelit dhe Disiplinës në UEFA, më 26 prill 2018. Si pasojë, KAS- i konfirmoi vendimin e dhënë nga trupat disiplinore të UEFA- s për të përjashtuar Skënderbeun nga pjesëmarrja në kompeticionet e UEFA- s për klube për 10 vite dhe gjobën me një milion euro, për shkak të përfshirjeve në aktivitetet që synojnë rregullimin e rezultatit të ndeshjeve. Ky është një konfirmim i mëtejshëm i seriozitetit së sistemit të zbulimit të mashtrimeve ( BFDS) të UEFA- s në identifikimin e luhatjes jonormale të basteve në ndeshjet e luajtura nga klubet në nivelin europian dhe atë kombëtar. Me këtë vendim, KAS mbështet vendimet e ndërmarra për të mbrojtur edhe kompeticionet kombëtare, edhe ato të UEFA- s, nga fiksimi dhe manipulimi i ndeshjeve. Ajo gjithashtu tregon besueshmërinë që KAS ka ndaj sistemit të UEFA- s, BFDS. Sistem i ngritur dhe zhvilluar në bashkëpunim me Sportradar, i cili është një instrument që ndihmon në garantimin e integritetit të kompeticioneve. Raportet e monitorimit të basteve, si ato të Sportradar apo të tjerë që në rastin konkret janë nga "Starlizard", janë konfirmuar se janë mjetet e përshtatshme në luftën kundër caktimit dhe manipulimit të rezultatit të ndeshjeve. BFDS është krijuar në vitin 2009 si kundërpërgjigje e kërcënimit në rritje të manipulimit të ndeshjeve, si në kompeticionet e UEFA- s edhe ato në rang kombëtar. Roli i tij është për të nxjerrë në pah lëvizjet jo të rregullta të lëvizjes së basteve, si përpara nisjes së ndeshjeve edhe në kohën reale të zhvillimit të saj, në tregun e basteve duke monitoruar të gjitha kompanitë kryesore evropiane dhe aziatike të basteve. Monitorimi i tregut të basteve mbulon të gjitha ndeshjet e kompeticioneve të UEFAs ( përafërsisht 2000 në sezon) dhe ndeshjet në dy ligat kryesore dhe kompeticionet e kupës në secilën federatë anëtare të UEFA- s ( pothuajse 30 mijë ndeshje në sezon). Monitorimi përdor algoritme të sofistikuara dhe modele matematikore për të krahasuar koeficientet e llogaritura me koeficientet e basteve aktuale të kompanive të basteve për të përcaktuar nëse koeficientet në një minutë specifike ose periudhë kohore të caktuar janë të çrregullt.