“KYOTO ANIMATION”
“Kyoto Animation” është themeluar në vitin 1981 dhe njihet për filma që janë shitur dhe dubluar në vende të shumta të botës si: “Melankolia e Haruhi Suzumiya”, “Lucky Star”, “K- On!” etj.. Ndërkohë që zjarri është vendosur në studion kryesore të punimeve mbi prodhimin e filmave të animuar, zyrat qendrore të kompanisë janë në Uji Siti, Kyoto, rreth 20 minuta larg nga studiot. shëm pranë ndërtesës dhe më pas i ka vënë flakën asaj. Ai është arrestuar dhe disa media raportojnë se është gjithashtu një nga të lënduarit në këtë ngjarje. Zjarri ka nisur në ndërtesën e “Studio 1” të “Kyoto Animation”, një nga prodhimet më popullore “anime” në Japoni. Ngjarja ka ndodhur rreth orës 10: 00 të mëngjesit të së enjtes, me orën lokale, dhe banorët që jetojnë pranë studiove thanë se kanë dëgjuar zhurmën e një shpërthimi dhe kanë parë tym duke dalë nga ndërtesa. Një prej dëshmitarëve deklaroi se e ka dëgjuar personin që vuri flakën duke bërtitur “Vdisni”. Ende nuk dihet se pse personi në fjalë i ka vënë zjarrin ndërtesës. Bashkëthemeluesi dhe drejtori ekzekutiv i kompanisë, Hideaki Hatta, u tha reporterëve se prej disa vitesh, në këtë kompani shpesh dërgoheshin kërcënime me vdekje për të gjithë studion, por nuk arrin ta kuptojë arsyen dhe se nuk mundet ta besojë që situata arriti deri këtu. Pas ngjarjes, fansat e filmave të kësaj kompanie kanë krijuar një hashtag “# prayforkyoani” në “Twitter” dhe vazhdojnë të dërgojnë ngushëllimet e tyre në faqen e kompanisë apo të agjencive të lajmeve ku raportohet ngjarja. Ngjarja është konsideruar si një ndër tragjeditë më të mëdha të kohëve të fundit në Japoni.