Stoltenberg: Roli i Turqisë në NATO nuk është i kufizuar me F- 35

Sekretari i Përgjithshëm i NATO- s ka folur për rolin Turqisë në aleancë, në një kohë kur tensionet mes dy partnerëve më të fuqishëm të aleancës po “përplasen” për shkak të blerjeve që Turqia ka bërë në Rusi për sisteme të fuqishme raketore. Sipas Stoltenberg, roli i Turqisë në aleancë nuk është i kufizuar në programin F- 35. Reagimi erdhi pasi administrata Trump vendosi të përjashtojë Turqinë nga programi i avionëve luftarakë F- 35, për shkak të bashkëpunimit të saj me Rusinë dhe rrezikun e zbulimit të sekreteve të mbrojtjes nga aparaturat gjurmuese ruse. Duke folur në forumin vjetor të sigurisë së “Aspen Institute”, Kolorado, Jens Stoltenberg tha se ishte i shqetësuar lidhur me dëbimin e Turqisë nga programi, pas kontributeve të panumërta të vendit në bllok. “Unë jam i shqetësuar për pasojat e vendimit turk ( për të blerë S- 400), sepse kjo do të thotë se Turqia nuk do të jetë pjesë e programit F- 35. Nuk është mirë, është keq për të gjithë ne”, shtoi ai. SHBA njoftoi largimin e Turqisë nga programi i avionëve luftarakë F- 35. Ankaraja i bëri thirrje Uashingtonit të korrigjojë vendimin, për të cilin tha se do të dëmtojë në mënyrë të pariparueshme marrëdhëniet mes dy vendeve. “Kontributi i Turqisë në NATO shkon shumë më thellë dhe shumë më gjerë se F- 35. Kjo është e rëndësishme”, pohoi Stoltenberg, duke shtuar se koalicioni ndërkombëtar në Siri ishte në gjendje të mposhtte ISIS- in për shkak të kontributeve të Turqisë. “Infrastruktura dhe Turqia kanë luajtur një rol kyç në atë luftë”, tha ai, duke shtuar se trupat turke po kontribuojnë në misionet dhe operacionet e ndryshme si në Kosovë dhe Afganistan. Stoltenberg përsëriti se S- 400 nuk mund të bëhej pjesë e mbrojtjes së përbashkët raketore të NATO- s, por Turqia ka avionë dhe radarë që do të mbeteshin pjesë e sistemit.