NDRYSHIMET NE KODIN PENAL

1. Ndryshime në Kodin Penal mbi çështjet për mbrojtjen e të drejtës së autorit për rritjen e ndërgjegjësimit të shoqërisë kundër kopjimeve apo përdorimeve të padrejta të veprave të të tjerëve.

2. Ndryshime për ashpërsimin e dënimeve në veprimtarinë e lojërave të fatit për ndalimin e veprimtarisë së lojërave të fatit dhe bixhozit.

3. Ndryshime në lidhje me rendin dhe qetësinë publike, pas ankesave në rritje të qytetarëve anembanë vendit, që subjektet tregtare nuk respektojnë kërkesat e legjislacionit për zhurmat dhe synojnë ashpërsimin e dënimeve në rastet kur ka tejkalim të normave të lejuara me ligj për zhurmat në mjedise që prishin qetësinë publike.

4. Dekriminalizim i gabimit mjekësor në rastet kur pasoja nuk vjen si rezultat i neglizhencës së mjekut. Këto ndryshime synojnë të përmirësojnë klimën në të cilën profesionistet e shëndetit kryejnë detyrën e tyre dhe përmbushin misionin e tyre.

5. Ashpërsim i dënimeve për mbajtjen e armëve, armëve shpërthyese ose e lëndëve plasëse në kundërshtim me parashikimet ligjore apo pa leje të organeve kompetente si dhe të veprimeve që synojnë pengesat apo ndalimin me çdo mjet e mënyrë, të qarkullimit të mjeteve të transportit automobilistik, hekurudhor, ujor e ajror.

6. Ashpërsim i legjislacionit për veprat penale në fushën e mjedisit dhe sanksionet përkatëse të parashikuara në Kodin Penal.

7. Ndryshime për sigurinë ushqimore, si rishikimi i dispozitave ekzistuese që lidhen me sigurinë ushqimore. Këto ndryshime kanë rëndësi tejet të lartë në funksion të garantimit të sigurisë ushqimore që është një komponent i sigurisë kombëtare, e lidhur ngushtësisht dhe me impakt të drejtpërdrejtë në shëndetin dhe jetën e popullsisë.