KREU I KADASTRES Tapitë e tokave me 7501, Lame: Nisim regjistrimin
Kreu i Kadastrës flet për tokat me 7501. Artan Lame: Ka probleme me hartat, si do zgjidhim regjistrimin e tokës së ndarë në fshat që nga viti 1991
Hapësira më e madhe e gjelbër në qendër të Tiranës, Parku Rinia do të transformohet. Ekskavatorët e bashkisë kanë nisur punën për t'i dhënë një tjetër pamje ambientit, i cili do të vijojë të jetë argëtues e çlodhës, por do të rikonceptohet me qëllim që të tërheqë shumë herë më tepër grupmosha të ndryshme. Duke inspektuar punimet e sapunisura, kryetari i bashkisë, Erion Veliaj, e cilëson këtë investim një tjetër premtim të mbajtur, për të cilin nuk kishte përse të priste më shumë për ta përmbushur. "Nuk kemi pritur as 4 javë që të fillojmë mbajtjen e premtimeve të 30 qershorit, një prej të cilave ishte rehabilitimi i total i Parkut Rinia, një park i cili shpëtoi falë kryebashkiakut Edi Rama në mandatin e tij, që u çlirua nga ' republika e rrumpallës'. Këtu ku jemi tani, ka qenë disko ' Krokodili'; një vend që njihej me këto lloj toponimesh sot, është një nga parqet qendrorë më të bukur të Tiranës, por që nga ai çlirim, përveç mirëmbajtjes nuk ka pasur një investim shtesë". Kryetari dha disa detaje mbi mënyrën sesi do të konceptohet ambienti i ri. Projekti për rikualifikimin e parkut parashikon hapësira të dedikuara, një zonë të rrethuar ku nuk do të mungojnë ata që dëshirojnë të shëtisin qentë e macet. Sakaq, Veliaj jep siguri për vizitorët e tjerë. "Tirana është sot një qytet me një komunitet kafshëdashës, që duhen respektuar dhe duhet të kenë hapësirën e tyre, ndaj këtu do të ketë edhe një hapësirë për katërputroshët e Tiranës. Për ata që ndoshta kanë frikë nga kafshët ose nuk janë aq miqësorë me to, do të ketë një gardh që të mos ndihen të rrezikuar". Pak muaj më parë, Këshilli Bashkiak i dha OK projektit të transformimit të Parkut Rinia, ndër të paktat hapësira çlodhëse e argëtuese vetëm 500 metra larg qendrës së qytetit. Në hapësirën prej 29.81 hektarësh do të ketë edhe ndërhyrje rikualifikuese e mobilim rekreativ. Investimi i Bashkisë së Tiranës te Parku Rinia parashikon krijimin e disa minishesheve, sheshe për fëmijë, labirinte, park lojërash, lojëra për të moshuar si shah, domino etj. Është parashikuar ndërtimi i një baseni ujor, që kulmon nga Monumenti i Pavarësisë dhe përfundon në pjesën fundore të parkut, ndërsa rrugicat do të shtrohen me gurë dekorativë.