Lleshaj, ultimatum nga Vlora: Javën që vjen, asnjë zaptues në bregdet!
"Në të kundërt ka dy mundësi, ose përgjegjësi penale për korrupsion, ose të gjejmë një drejtor tjetër Policie"
Ministri i Brendshëm, Sandër Lleshaj, paralajmëroi strukturat vendore, por edhe ato të Policisë së Vlorës, se do të mbajnë përgjegjësi penale në rast se brenda javës që vjen nuk regjistrohen të gjitha subjektet që, sipas tij, kanë zaptuar bregdetin.
Ultimatumi i Lleshajt erdhi gjatë takimit të Komitetit Rajonal për Zhvillimin e Turizmit për qarkun Vlorë, ku të pranishëm ishin edhe ministri i Turizmit, Blendi Klosi, ministrja e Shëndetësisë, Ogerta Manastirliu, zv. ministrja e Financave, Belinda Ikonomi, prefekti i Vlorës, Flamur Mamaj, drejtori i Policisë Kriminale Tonin Vocaj etj. Pas fjalës së ministrit të Klosi, i cili përmendi disa shifra që kanë të bëjnë me nivelin e paligjshmërisë në bregdet, ministri i Brendshëm tha se shifra të tilla i shterojnë të gjitha diskutimet. "Nga 139, vetëm 11 janë të ligjshme nga këto që keni në vijën bregdetare. Dhe besoj vetëm kjo shifër e bën gjithë analizën dhe na i shteron të gjitha diskutimet. Vetëm 11 janë të ligjshme në bregdetin, të cilin kontrolloni ju, të nderuar zonja e zotërinj. Shumica, jo të gjithë, se ka dhe të ftuar këtu. Kaq e vërtetë dhe kaq e hidhur është shifra dhe realiteti", tha Lleshaj. Më tej, ai u la afat deri ditën e hënë strukturave vendore dhe Policisë, për të shkuar në çdo subjekt që ka zaptuar dhe po grabit bregdetin. PARALAJMERIMI Ministri Lleshaj tha dje se në pamundësi për të marrë në takim drejtorin e Krimit Ekonomik dhe të Korrupsionit në Policinë e Shtetit, ka marrë shefin e tij, drejtorin e Departamentit të Hetimit në Policinë e Shtetit, Tanin Vocaj, për të dhënë një mesazh të qartë për ata që kanë përgjegjësi zyrtare për këtë gjendje. "E vetmja rrugë për të dalë nga kjo situatë, është ushtrimi i përgjegjësive, rivendosja e ligjit në çdo centimetër katror të bregut të Shqipërisë", tha Lleshaj. Sipas tij, nuk mund të kthehet në xhungël urbane pjesa më vitale e Shqipërisë dhe për këtë Për zv. ministren e Financave, Belinda Ikonomi, turizmi është një nga sektorët prioritarë dhe strategjikë, që ndikon drejtpërdrejt në zhvillimin ekonomik të vendit. "Paketa fiskale që ne kemi sot për një kategori të madhe biznesesh deri në 5 milionë lekë është me taksë 0, gjithashtu në ndryshimet e fundit të paketës fiskale, të gjithë subjektet në qarkullim nga 5- 4 milionë lekë kanë reduktim me 5% të tatimit nga 15%, që ka qenë më parë. Shumë incentiva janë bërë edhe në fushën e akomodimit dhe shërbimeve në funksion të agrobiznesit, duke nxitur edhe agroturizmin. Por, të gjitha këto lehtësi, duhen shoqëruar edhe me masa ndëshkuese për subjektet që shkelin ligjin", tha Ikonomi. ai bëri përgjegjës të gjithë, secilin nga një këndvështrim i caktuar. "Më duket se pikërisht ngaqë jemi kaq shumë përgjegjës, ngelet jetime përgjegjësia. Se edhe dy vetë do të mjaftonin për ta vënë nën kontroll gjendjen e këtij bregdeti, dy, jo tre, dy! Një polic dhe një inspektor. Kështu që dua t'ju njoftoj se java që vjen, do të jetë javë veprimi nga të gjitha strukturat, me qëllim që këtu, në këtë bregdet, të operohet vetëm në bazë të ligjit. Të mos ketë as zaptues, as grabitës. Sepse, nëse do ta lejojmë këtë gjendje, atëherë do të jemi të detyruar t'i përgjigjemi pyetjes. Java që vjen është afati i fundit për këtë qëllim. Nëse ne nuk do të arrijmë që brenda javës që vjen, të jetë rivendosur gjendja, do të ketë dy mundësi, ose do të ketë përgjegjësi penale për shpërdorim detyre dhe korrupsion për personat, që nuk kanë ushtruar përgjegjësinë e tyre dhe, nëse kjo nuk ndodh, do të keni një drejtor Policie mangët këtu. Pra, duhet të gjejmë një drejtor tjetër të Policisë. Qoftë në qendër këtu në Vlorë, qoftë në Drejtorinë e Krimit Ekonomik. Nuk ka asnjë mundësi tjetër. Është turpëruese dhe e papranueshme gjendja. As edhe një i vetëm dhe të gjitha historitë, alibitë jo s'ka lidhur kontratën, jo s'ka këtë, jo s'ka paguar taksat vjet, prandaj nuk i lidhim kontratë sivjet dhe absurditete të papranueshme nga logjika elementare, duhet të marrin fund. Puna e parë që duhet bërë është që kryetari i bashkisë, përfaqësuesit e tij, të shkojnë te çdo subjekt, që është në vijën e bregdetit, me kontratën e gatshme dhe t'i kërkojnë vendosjen e firmës në çast", u shpreh Lleshaj gjatë takimit.