Meta: Jemi në kushtet e një grushti të butë shteti, “Ramaforma” filloi me Arta Markun
"Janë disa ndërkombëtarë, që për çdo gjë që bën Rama vendosin shami, ama për gjënë më të vogël që bën opozita, bëhet kiameti"
“BISEDA ME RAMIZ ALINE NE 2000 DHE ME BERISHEN PARA 21 JANARIT”
Për fat të keq, jemi në situatën ku edhe pa thonjëza mund të thuhet i një grushti të butë shteti, pra të asgjësimit të gjithë institucionev. Të gjithë të tjerat po ta shikoni i ka marrë, i ka uzurpuar – dhe në këto kushte, unë bëj detyrën time për të ruajtur qetësinë, për të shmangur konfliktet dhe gjakderdhjen.
Presidenti Ilir Meta reagoi dje për vendimin që ka marrë maxhoranca për ta shkarkuar dhe për krizën politike në vend. Në një intervistë për gazetaren Sonila Meço, për televizionin “RTV Ora”, kreu i shtetit theksoi se nisma që ka ndërmarrë maxhoranca për ta shkarkuar, është një “dekoratë” që po i jepet në mbrojtje të Kushtetutës. Krahas kësaj, ai foli edhe për Reformën në Drejtësi. Me doza ironie, kreu i shtetit vijoi ta cilësonte atë si “Ramaformë”, pasi, sipas tij, ajo është duke u kapur nga maxhoranca qeverisëse. Meta theksoi se Reforma në Drejtësi dështoi në momentin kur u zgjodh Kryeprokurori i Përkohshëm i Përgjithshëm me 69 vota dhe jo me shumicë të cilësuar siç ishte parashikuar në ligj. Veç kësaj, Presidenti foli edhe për videon që u bë shkak për ngjarjet e 21 janarit dhe bisedën që kishte bërë me Sali Berishën në vitin 2011, kur u publikua ajo video. Në intervistën e mbrëmshme, kreu i shtetit u tregua i hapur për sa u përket bisedave që kishte zhvilluar me politikanë të ndryshëm, siç ishte ajo me kryetarin e PD- së, Lulzim Basha, përpara miratimit të ndryshimeve Kushtetuese të Reformës në Drejtësi. Për sa i përket krizës politike në vend, Meta theksoi se institucioni i Presidentit është i vetmi që nuk është kapur nga maxhoranca dhe se vendi është në kushtet e një grushti të lehtë shteti. Për zgjidhjen e kësaj krize, sërish ai i qëndroi besnik propozimit të bërë për të zhvilluar zgjedhje të parakohshme në 13 tetor, sipas dekretit të tij.
Jemi në Presidencë. Përballë kam kreun e shtetit. Për herë të parë në historinë e pluralizmit shqiptar, një President në një intervistë në kushtet kur Parlamenti ka ndërmarrë një procedurë për shkarkimin e tij. Si ndiheni si President nën hetim administrativ dhe me procedura shkarkimi?
Në fakt, unë e konsideroj si një procedurë dekorimi, sepse nuk shoh asnjë shkelje të Kushtetutës së Republikës së Shqipërisë, aq më tepër, e them me trishtim, nga një Parlament që ka thyer çdo rekord në shkeljen e qartë dhe flagrante të Kushtetutës së Shqipërisë, edhe falë një kontributi që ka po ky Parlament për bllokimin e qëllimshëm të ndërtimit të institucioneve të reja të drejtësisë dhe të Gjykatës Kushtetuese në mënyrë të veçantë. Pra, ndihem në procedurë dekorimi, sepse nuk e di se cilin nen të Kushtetutës kam shkelur dhe se çfarë dëmi i kam bërë Kushtetutës dhe qytetarëve shqiptarë.
Zoti Meta, marrëdhënia juaj me Edi Ramën është e hershme. Le të themi se ka shënjuar një pjesë të rëndësishme të tranzicionit shqiptar dhe pluralizmit shqiptar. Një marrëdhënie me ulje- ngritje, e cila, në momente të caktuara, ka shënjuar edhe fatet e drejtimit politik.
Nuk është e vërtetë. Kjo është prapë një shpikje ‘ sorosiane’. Sot, në Shqipëri, ekziston vetëm një konflikt madhor, që është nëna e gjithë konflikteve. Është konflikti i Kryeministrit Edi Rama me pluralizmin politik, me demokracinë dhe me shtetin e së drejtës, që bazohet në ndarjen e pushteteve dhe në respektimin e ‘ check and balance’. Ky është problemi. Pastaj, ai që ka konflikt me median, kazanin siç e quan ai, apo me Presidentin kur s’i pëlqen. Kur i pëlqen, thotë është më i miri që ka pasur Shqipëria. S’ka thënë të vërtetën sepse Shqipëria ka pasur gjithmonë Presidentë shumë të mirë. Problemet që ka me gjykatat. Kur Gjykata jep një vendim që i intereson atij, thotë është shumë e mirë. Kur jep një vendim që s’i intereson atij, e bën nul. Problemet që ka me Parlamentin, me të gjithë. Nuk është se kjo është diçka e re. Pra, ky është një njeri që nuk gjen dot rehat me demokracinë.
Në fakt, është e çuditshme... Sa herë keni qenë bashkë, i keni dhënë fitoren së majtës, sa herë jeni ndarë...
Sa herë që ai i ka dëgjuar mendimet e mia, këshillat e mia, nuk i ka dalë keq. Sa herë i ka dëgjuar, jo vetëm të miat, por edhe të të tjerëve. Kur nuk i ka dëgjuar... Unë nuk i imponohem dot. Unë kam durim. Nuk jam i padurueshëm. Jam i durueshëm.
Po bëhet një Reformë e rëndësishme në Drejtësi. Dje ishte trevjetori i ndryshimeve kushtetuese për Reformën në Drejtësi. Ngrihet SPAK- u në shtator dhe në tetor Byroja Kombëtare e Hetimit. Kur u bë “Ramaformë”?
U bë qëkur u shkelën të gjitha afatet kushtetuese. Që kur u zgjodh Prokurori i Përgjithshëm i Përkohshëm me 69 vota. Ma gjeni në Kushtetutë Prokurorin e Përgjithshëm të Përkohshëm?! Ma gjeni këtu? Përpjekjet që kjo të ishte “Ramaformë”, ishin që para konsensusit. Konsensusi u vonua, sepse kjo nuk duhet të ishte miratuar më 21- 22 korrik. Duhet të ishte miratuar që katërpesë muaj më parë, që kur erdhën rekomandimet përfundimtare të Komisionit të Venecias. Shtyrja ishte një lojë, që gjoja këta po lodheshin shumë; vinin tek unë, shkonin te Rama. Ky përpiqej shumë që Lulzimi me Saliun do votonin drejtësinë, andej- këndej. Një rrëmujë e paparë dhe nuk po merrej vesh se ç’po ndodhte këtu. Kur gjëja ishte shumë e thjeshtë. Unë e kisha thënë gjithmonë: Hajdeni të mblidhemi ne këtu! Se në Kuvend do të miratohet, te zyra ime! Të vijë këtu edhe Lulzimi! Të vijë këtu edhe Saliu! Të vijë këtu edhe Edi! Ja edhe ambasadorët ku i kemi këtu! Rekomandimet e Komisionit të Venecias ne i kemi të qarta se si janë apo jo? Dhe ta zgjidhim këtë punë! Nuk kemi përse ta shtyjmë kaq shumë. Këta shty e shty në mënyrë që të vendosej Kuvendi dhe shumë deputetë në njëfarë presioni. E duan, s’e duan reformën! Do të marrin viza apo jo!
Ju shqetëson kjo gjë, zoti Meta? Sepse ju thoni që do të jetë një SPAK nën ndikimin e këtij Prokurori të Përgjithshëm, të zonjës Marku... nën ndikimin politik. A e keni frikë? Ju bëj një pyetje mëse normale. E bën çdo shqiptar, zoti Meta.
E para, nuk kam asnjë arsye të kem asnjë frikë nga askush. E dyta, janë lodhur në këtë vend që të më arrestonin mua. I pari donte të më arrestonte doktori në 1992, që më hoqi imunitetin. Isha i pari deputet i opozitës, që më hoqi imunitetin dhe që më mbajtën tetë muaj peng nëpër Prokurori. Më thoshin edhe të largohesha që të mos arrestohesha. Ato marrëzitë e asaj kohe. E unë mezi po prisja që të më arrestonin, por nuk e bënë.
U bë e kundërta. Në vitin 2000 jeni i vetmi që keni ndaluar zoti Berisha. E përmenda zotin Berisha për të thënë se kur ka vullnet politik, nuk pyet fare për...
Më merr një ditë zoti Berisha në telefon kur ishte kjo çështja e kësaj videos, nëse e mbani mend, kur dhashë dorëheqjen dhe shkova vetë në Prokurori për të nisur hetimet. Pas 21 janarit. “Ku je?, – më thotë doktori. - Jam në Durrës. - A ka mundësi të vish, se kam një çështje serioze për të folur me ty. Po!, – i thashë, duke menduar se çfarë ka ndodhur. – Shiko, se këta duan të të provokojnë prapë! Kam mësuar se duan të të arrestojnë, jo duan të të bëjnë këtë, atë, andej- këndej! – Po le të më arrestojnë!,– i thashë. – Çfarë problemi ke ti? Unë mezi po pres. Kjo gjë bëhet, sepse mendojnë se ishin zgjedhjet vendore të atij viti. Kjo bëhet, – i thashë, – sepse mendojnë se duke më goditur mua, godasin Lëvizjen Socialiste për Integrim në mënyrë që Rama të marrë prapë mandatin. Ti mos u shqetëso fare! Vetëm ti ruaj qetësinë! Këtë punë e zgjidh unë, pa asnjë merak. Votat do t’i kesh shumë herë më tepër dhe ai nuk fiton, por ti ruaj qetësinë! Të vetmin shqetësim e kam vetëm nga drejtësia kombëtare, sepse drejtësia kombëtare është e pamëshirshme për çdolloj politikani, i cili shet interesat kombëtare, i cili bëhet pjesë e lojërave kundër interesave kombëtare. Vetëm këtë kam, këto të tjerat as nuk i llogaris fare. Të gjitha këto janë lojëra sorosiane. Ka njëzet vite që vetëm
me këto punë merren, me këto shpifje, me këto intriga. Edhe në 21 janarin kanë qenë të përfshirë, se ju i mbani mend ato emailet, apo jo?
Por cilat janë pasojat afatgjata, zoti Meta? Do ngrihen nesër këto institucione në këto kushte në vend...
Pasojat janë shumë të mëdha. Shikoni se sa shqiptarë janë larguar nga Shqipëria. Më thoni një biznes serioz që ka ardhur në Shqipëri, gjerman apo norvegjez, danez, pra, një gjë që vjen në një vend ku ka besim se sundimi i ligjit po përmirësohet, që klima e biznesit po përmirësohet. Shikoni kursin e euros, e nderuar gazetare, për të kuptuar këtë lloj ‘ Ramaforme’, se reforma është këtu në Kushtetutë. Shikoni kursin e euros si ka ikur. Janë arsye normale? Ka logjikë këtu? Kush po dëmtohet? Po dëmtohen të gjithë bizneset e ndershme, vendëse dhe të huaja, që prodhojnë dhe që eksportojnë. Dhe kush po përfiton? Përfitojnë ata, të cilët duan ta përdorin Shqipërinë si lavatriçe. Kjo është e vërteta.
Cila do të jetë rezultantja e lidershipit Meta në Reformën në Drejtësi?
Për fat të keq, jemi në situatën ku edhe pa thonjëza mund të thuhet i një grushti të butë shteti, pra të asgjësimit të gjithë institucioneve, të izolimit edhe të Presidentit si të vetmit institucion – sepse këtu vetëm dy institucione janë që nuk i ka marrë maxhoranca, Presidenti i FSHF- së dhe Presidenti i Republikës, sepse të gjithë të tjerat po ta shikoni i ka marrë, i ka uzurpuar – dhe në këto kushte, unë bëj detyrën time për të ruajtur qetësinë, për të shmangur konfliktet dhe gjakderdhjen. Dhe për një gjë të paktën jam i qetë deri tani, që e kemi shmangur këtë gjë, megjithëse përpjekjet do të vazhdojnë.
Zoti Basha në fakt, pas deklaratës suaj lidhur me çështjen e Sorosit dhe ndikimit të kësaj organizate edhe në destabilitetin aktual shqiptar, është shprehur se nuk duhet ta kërkojmë fajin te faktorët e jashtëm.
Sigurisht, disa faje i ka edhe zoti Basha e opozita në këtë drejtim. E para, sa i takon Reformës në Drejtësi, ata duhet të kishin qenë shumë më të qartë gjatë gjithë kohës që negocionin për reformën, duhet të mbanin shënime. Sepse ti shkon e flet me përfaqësues të EURALIUS- it, pastaj OPDAT, pastaj të ambasadës e pastaj ikën e flet një tjetër dhe thotë “jo po ramë dakord për këtë dhe nuk ramë dakord për atë”, këto janë çështje