Kadare, një nga 9 kandidatët e “Nobelit Amerikan” për 2020- ën
“Ky grup finalistësh nga e gjithë bota na njeh se letërsia e mirëfilltë nuk njeh kufij”
Çmimi Ndërkombëtar Letrar “Neustad” për vitin 2020 e bën Ismail Kadarenë një nga nëntë kandidatët e përzgjedhur nga e gjithë bota. I vlerësuar si “Nobeli Amerikan”, çmimi ka një vlerë prej 50,000 dollarësh dhe akordohet nga revista e Universitetit të Oklahamës për letërsinë dhe kulturën ndërkombëtare, “World Literature Today”.
“Letërsia është një zë i fuqishëm, që na mëson për botën përtej vetes sonë. Ky grup finalistësh nga e gjithë bota na njeh se letërsia e mirëfilltë nuk njeh kufij. Është emocionuese të kemi një grup kaq të vlerësuar shkrimtarësh që konkurrojnë për çmimin ‘ Neustadt’”, është shprehur Robert Con Davis- Undiano, drejtori ekzekutiv i revistës letrare “World Literature Today”, i cili është edhe sponsori i këtij çmimi.
9 anëtarët e jurisë, të gjithë shkrimtarë, do të takohen për të zgjedhur fituesin në festivalin “2019 Neustadt Lit Fest”, i programuar për 15- 17 nëntor, ndërsa fituesi do të shpallet më 16 tetor.
“Neustadt” është i pari çmim ndërkombëtar për letërsinë i kësaj kategorie në Shtetet e Bashkuara. Dhe, për të kanë të drejtë të konkurrojnë shkrimtarë në zhanre të ndryshme, poetë, romancierë, skenaristë dhe dramaturgë.
Prej vitit 2003, duke u alternuar me çmimin “NSK” ( Çmimi “Neustad” për letërsinë për fëmijë, prej 25000 $) ky çmim i është dhënë një shkrimtari në jetë, si vlerësim për një vepër të rëndësishme. Fitues të viteve të kaluar janë edhe laureatët e çmimit “Nobel”, si Czes ³ aw Mi ³ osz, Gabriel Garcia Marquez dhe Tomas Tranströmer. Fituesi i çmimit “Neustadt” për vitin 2018, ishte shkrimtari amerikan me origjinë nga Haiti, Edeidge Danticat.
Fituesi i “Neustadt Prize” krahas shpërblimit me 50,000 $, merr një pupël shqiponje prej argjendi, certifikatën përkatëse, si dhe në nder të tij mbahet një festival. Çmimi u krijua fillimisht në vitin 1969 nga Ivar Ivask, botues i librave të huaj. Në 1976 çmimi mori emrin aktual.