DEKLARATA E KADRI VESELIT
“Si Kryetar i Kuvendit të Republikës së Kosovës, kam vendosur që të hënën, më 5 gusht 2019, të thërras një mbledhje të Kryesisë së Kuvendit të Kosovës... për të diskutuar për thirrjen e seancës së jashtëzakonshme për shpërndarjen e legjislaturës aktuale të Kuvendit të Kosovës. Kjo mbledhje ka për qëllim të saktësojë në mënyrë zyrtare dhe institucionale qëndrimet e çdo grupi parlamentar në lidhje me situatën e krijuar pas rënies së qeverisë së Kosovës, si dhe konkretizimin e hapave për përcaktimin sa më të shpejtë të datës së zgjedhjeve të parakohshme”. të tillë dhe është koha për të dëgjuar vullnetin e sovranit. “Si udhëheqës i koalicionit PAN, i kam kthyer përgjigje Presidentit të Republikës së Kosovës dhe e kam njoftuar se nuk do të ketë mandatar tjetër. Kam thënë dhe e përsëris: zgjedhjet janë të pashmangshme dhe janë në interes të Republikës së Kosovës”, theksoi ai.
Emërimi i një mandatari të ri apo caktimi i datës së zgjedhjeve të parakohshme në këshillim me partitë politike, janë mundësitë kushtetuese të Presidentit. Ndërsa shpërndarja e Parlamentit është po ashtu një nga mundësitë që duket se tashmë do të ndodhë.
Partitë politike deri tani e kishin hedhur poshtë çdo mundësi tjetër përveç zgjedhjeve të reja, ndërsa një pjesë e tyre kishte kërkuar nga Presidenti i Kosovës që të veprohet më shpejt, në të kundërtën do të hedhin nismën për shpërndarjen e Parlamentit përmes votimit që kërkon dy të tretat e votave të Parlamentit 120- vendesh. Nëse deputetët merren vesh për shpërndarjen e Parlamentit, atëherë Presidenti duhet t’i shpallë zgjedhjet e parakohshme që duhet të mbahen më së largu 45 ditë pas shpalljes së tyre. Kosova hyri në një krizë të re politike pas dorëheqjes së Kryeministrit Ramush Haradinaj, i cili u thirr javën e kaluar për t’u marrë në pyetje nga Prokuroria e Posaçme në Hagë.