Debatet e Selmanit me të atin dhe plani për të ikur në Gjermani
Nëna e Selman Alijës në dëshminë e saj ka treguar, gjithashtu, se për një periudhë kohe, viktima dhe autori kanë pasur marrëdhënie jo shumë të mira me njëritjetrin. Më tej, tregoi edhe planet e 28- vjeçarit për të ikur në Gjermani. Sipas saj, Alija donte të emigronte si vëllai dhe të rregullohej financiarisht. "Djalin, Selmanin, e ka fejuar babai i vet, Fejziu, pa dëshirën e tij me një vajzë nga zona e Kukësit dhe që nga dita e kësaj fejese, djali Selman Alija nuk ka shkuar mirë me babanë e tij. Për shkak të reputacionit të tij, se kishte qenë 3 herë i martuar, donte ta mbante nusen e Selmanit për grua për vete. Selmani nuk ka dashur të fejohet dhe i ka thënë se donte të largohej në Gjermani te vëllai i tij dhe të rregullohej ekonomikisht dhe pastaj të martohej", tha ajo. Gjithashtu, kjo shtetase ka deklaruar se gjatë kohës që punonin në shtëpi, Fejziu dhe Semani kanë pasur konflikte, pasi Fejziu ishte shumë i dhunshëm dhe e shante dhe e ofendonte gjatë gjithë kohës. "Në datën 22 dhjetor, rreth orës 17: 00, sapo ishte errësuar ka shkuar në shtëpi Fejziu e Selmani dhe kanë shkarkuar disa pajisje të përdorura të cilat i kishin marrë te motra e Fejziut", tha ajo. Ndërkohë, pas rreth gjysmë ore, kur ka dalë që t'i thërrasë për të ngrënë darkë, pa që nuk ishin në oborr dhe pasi ka kërkuar në lagje, i ka rënë telefonit të tyre, por nuk i dilnin.