Ullinjtë dhe përfitimet shëndetësore

Konsumimi i ullinjve mund t’i sjellë organizmit tonë një mori përfitimesh shëndetësore, duke përfshirë aftësinë e tyre për të mbrojtur nga sëmundjet e zemrës, për të parandaluar tumoret, për të reduktuar inflamacionin dhe artritin dhe për të përmirësuar tretjen. Ato ndihmojnë për të zbutur reaksionet alergjike, për të përmirësuar qarkullimin e gjakut, për të mbrojtur ndaj infeksioneve, si edhe për të ulur presionin e gjakut. Ullinjtë janë të pasur me komponimet fenolike, të cilat zakonisht lidhen me parandalimin e kancerit, por gjithashtu shërbejnë në një qëllim madhor: në mbrojtjen e zemrës. Përveç kësaj, i njëjti përbërës fenolik lehtëson tensionin e enëve të gjakut, i zgjeron ato dhe rrit rrjedhjen e gjakut rreth trupit në një mënyrë të shëndetshme. Kjo siguron funksionimin e duhur dhe oksigjenimin e sistemeve të ndryshme të organeve. Po ashtu, ullinjtë janë burim i rëndësishëm i fibrave, duke furnizuar gati 20% të kërkesave ditore për fibra në një filxhan të vetëm. Përmbajtja e lartë e fibrave siguron funksionimin e duhur të sistemit tuaj të tretjes, duke ju ndihmuar po ashtu të humbni peshë. Fibra gjithashtu rrit shëndetin e zemrës, duke punuar për të eliminuar kolesterolin e tepërt në gjak.