Inter i bukur, Konte mund Totenhemin me 11- metërsha
Përsëri në miqësore, përsëri nga pika e bardhë dhe përsëri fitore. Interi mund një tjetër rivale në Champions- in veror dhe ashtu si ndaj PSG- së, vendimtar në penalltinë e fundit rezulton Zhoao Mario. Ekipi i Antonio Kontes konfirmon hapat përpara të kohëve të fundit dhe pasi e nis mes vështirësive takimin, përmbys gjithçka e në fund siguron suksesin. Shija e paraqitjes shtohet edhe sepse Totenhemi vuajti ndaj Interit, pavarësisht se këta të fundit janë disi më prapa me përgatitjet për sezonin e ri.
Fillimi i ndeshjes së djeshme ishte mes drithërimave. "Spërsat" e nisin më këmbën te gazi dhe gjejnë golin me Mouran pas vetëm tri minutave. Me Son e Eriksen në stol, është Lamela që ndan në dysh mesfushën e Interit e pason për Mouran. Braziliani "mbjell" në vend Shkrinjarin dhe më pas ndëshkon Handanoviçin në shtyllën e parë. Shpejtësia angleze bën që zikaltrit të mos bien shumë në sy, por me udhëzimet e Kontes, Interi nis të ngjisë majën. Fillimisht Perisiç pason për Dalbertin që nuk fut në mendim Lorisin, teksa më pas kroati tenton dobët nga distanca. Rasti i madh për zikaltrit në pjesën e parë vjen nga një tjetër nënkampion bote. Brozoviç në minutën e 27- të "vizaton" një ylber që ndërpritet nga shtylla
NGJITJE -
e portës së Totenhemit. Ky rast shkund të besuarit e Kontes që dhjetë minuta më pas gjejnë barazimin. Dalbert vertikalizon për Espoziton dhe ky i fundit pason për Sensin që kontrollon dhe me një goditje bilardoje mposht Lorisin.
Fundi i pjesës së parë nuk dhuron emocione, teksa në të dytën Konte i beson Barelas dhe Politanos që marrin vendet e Espozitos dhe Galiardinit. Poçetino reagon me Eriksen e Aldervaireld, por minutat flasin për Interin që ngre bariqendrën dhe sulmon më me rend. De Vraj ideon për Kandrevën, i cili kroson për Perisiçin që nuk gjen devijimin vendimtar. As dy minuta dhe Kandreva bën fantazistin duke nxjerrë
JA BARELA -
Perisiçin, që gabon i vetëm përballë me Lorisin. Totenhemi ka rastin më të mirë për avantazh, kur Handanoviç gabon në pasim, por goditja e Lamelas bllokohet nga Brozoviç. Rastet nuk mungojnë deri në fund, por Barela ndalet nga portieri Gazaniga, ndërsa Son nga Handanoviçi që korrigjon kështu një top të humbur nga Politano në sulm. As dy minutat shtesë nuk sjellin risi, teksa Interi siguron fitoren nga goditjet e 11- metërshave. Pushkash për pak dënon të tijtë, por gabimet e Eriksenit dhe Skipit përballë Handanoviçit i japin një tjetër mundësi Zhoao Marios për të qenë "lëvizja" fituese e Interit. Portugezi nuk gabon dhe Konte shijon suksesin e tretë radhazi.