Me kominoshe dhe kapele, si u grabit agjencia në Tiranë
Policia ka sekuestruar disa kamera me qëllim identifikimin
I veshur si bojaxhi dhe me një qese të kuqe në dorë, grabitësi i agjencisë së kredive është futur në institucion dhe ka marrë një shumë parash ende të pakonfirmuara nga Policia.
Prej dy ditësh, hetimet për identifikimin e tij vazhdojnë, por ende nuk është bërë e mundur një gjë e tillë. Ndërkohë që në njoftimin zyrtar të Policisë, thuhej se personi i dyshuar i grabitjes, pasi ka marrë lekët është larguar me nxitim, nga pamjet e bëra publike, duket se ai largohet i qetë nga e njëjta rrugë që edhe ka shkuar. Me një palë kominoshe si në ngjyrë blu dhe këmishë me krah të gjatë, grabitësi është futur në institucion, ku sipas kamerave të sigurisë, por edhe dëshmive të punonjësve, nën kërcënimin e një objekti që ngjante si pistoletë i ka marrë atyre një vlerë, e cila sipas burimeve është rreth 600 mijë lekë.
HETIMET Me qëllim zbardhjen e ngjarjes dhe identifikimin e autorit, i cili duket se ka vepruar i vetëm për grabitjen, Policia nën drejtimin e Prokurorisë së Tiranës, ka marrë dëshmitë e punonjësve të agjencisë së kredive, të cilët janë shprehur se nuk arrijnë të identifikojnë autorin, pasi ishte i maskuar. Ai i ka kërcënuar ata nëpërmjet armës dhe pasi ka marrë leMIJE dyshohet se është shuma që ka grabitur një person dy ditë më parë në një institucion financiar pranë “Zogut të Zi”. Grabitësi duket se ka vepruar vetëm dhe gjatë momentit që është futur në institucion, ka qenë i maskuar dhe me kapele. kët, është larguar. Policia ka sekuestruar disa kamera sigurie, të institucionit që u grabit, por edhe të bizneseve në zonë, që kanë kapur lëvizjet e grabitësit gjatë momentit që ka shkuar për të grabitur dhe largimin e tij. Identifikimi i të riut, që duket të jetë me një gjatësi rreth 1,80 centimetra, është bërë e vështirë, pasi në kokë ai mbante kapele dhe fytyrën e kishte të mbuluar me një maskë të bardhë që i linte jashtë vetëm pjesën e syve. Nga pamjet duket se grabitësi ka vepruar i vetëm, por hetuesit kanë dyshime se ai mund të jetë ndihmuar edhe nga një person tjetër. Për nga qetësia me të cilën kryen veprimin, duket se e ka studiuar situatën të paktën për disa ditë.
POLICIA Grabitja me armë ka ndodhur gjatë pasdites së të martës në një institucion financiar në zonën e “Zogut të Zi”, ku dyshohet se është marrë një shumë prej 600 mijë lekësh. Sipas Policisë, autori i dyshuar është larguar mes rrugicave dhe deri në orët e vona të mbrëmjes së të martës dhe gjatë ditës së djeshme, arrestimi i tij nuk është bërë i mundur. Policia ka zhvilluar operacione dhe kontrolle në zonë për gjetjen e tij. Zyrtarisht, Policia nuk konfirmon nëse objekti që mbante në dorë grabitësi ishte armë zjarri pistoletë, por thotë se me të ka kërcënuar punonjësit. “Në Tiranë, në rrugën ‘ Muhamet Gjollesha’, në një zyrë që i përket një institucioni financiar për kredidhënie në shuma të vogla, një person i maskuar, nën kërcënimin e një arme zjarri në dukje ‘ pistoletë’, ka marrë një sasi parash dhe është larguar me vrap”, njoftoi Policia e Tiranës.