Sëmundjet e kockave, trajtimet e reja përmes mjekësisë alternative
PËRBËRËSIT QË FORCOJNË STRUKTURËN E KOCKËS SË DËMTUAR NË VITE
TTrupi i njeriut ka veti të çuditshme rigjeneruese. Çdo dhimbje, mjafton ta trajtojmë si duhet për të gjetur shërim përmes "nënës natyrë". Me këtë parim, Ylli Merja shëron prej më shumë se dy dekadash përmes mjekësisë alternative qindra pacientë, që adresohen në klinikën e tij mjekësore me drejtim holistik. I pari që hodhi bazat e mjekësisë alternative në vend, Merja vjen me një intervistë për gazetën mbi risitë në trajtimin e sëmundjeve të kockave, të përmbledhura së fundmi në një libër. Bëhet fjalë për shqetësime nga më të zakonshmet e deri tek ato më problematiket, që qetësohen e trajtohen me efikasitet falë kombinimit të kurave bimore dhe ushtrimeve fizike, pa pasur nevojë të shkohet drejt ndërhyrjeve kirurgjikale. Kjo është falë mjekut që njeh mirë sëmundjen nga ana patologjike. Veç tyre, në rreshta, çdokush mund të marrë lehtësisht edhe këshilla për të pasur kocka më të forta, përpos barrës së viteve.
Përpara se të shkojmë tek ajo për të cilën interesohen të gjithë, a mund të na thoni diçka mbi sëmundjet kockore... shkaqet?
Skeleti eshtëror i njeriut është shtylla ku njeriu mbështetet. Në bashkëpunim me muskujt, kockat realizojnë lëvizjen nga një vend në tjetrin. Kockat gjatë kohës mund edhe të infektohen, të sëmuren, të pësojnë dëmtime, shtypje, fraktura, të thyhen, por ka mënyra si duhet të trajtohet. Njeriu si një qenie biologjike ka me të vërtetë një fuqi të çuditshme kurative, rigjeneruese, atëherë edhe kjo kockë e thyer, e shembur, një bërryl i dëmtuar, një nerv i shtypur, nëse ne ia krijojmë mundësinë rigjenerohet shumë lehtë. Nëse ne i bëjmë të kundërtën e asaj që do ky organizëm për t'u rigjeneruar, atëherë pengesat do të jenë më të mëdha. Edhe pasojat gjithashtu.
Së fundmi ju keni përmbledhur në një vëllim risi në trajtimin e disa sëmundjeve kockore. Cilat konkretisht?
Shtysë për këtë libër u bënë problematikat e shumta shëndetësore të njerëzve dhe ngatërresat që ata kishin. Për shembull, shumë pacientë që kishin dhimbje në pjesën e pasme të kokës detyroheshin të bënin rezonanca magnetike, skanerë, ezhe të trurit e me radhë, në një kohë kur çelësi i kësaj sëmundjeje ishte spondiliartroza, një shtrembërim, një shtypje e vertebrave që jep një dhimbje në pjesën e pasme të kokës. Shkaku ishte gjetkë, pasojat luftoheshin me mënyra të tjera. Njerëzit arrinin deri aty sa humbitnin kujtesën e shumë problematika nga më të ndryshmet, kur ne me t'i trajtuar me një masazh të lehtë prapa qafës, duke e ngritur trupin peshë dhe tërhequr në pjesën e pasme në dhjetë minuta masazh, pacienti ndiente një qetësim të madh. Si e kuptoni ju që një pacient ka këtë diagnozë dhe jo një tjetër patologji?
Fare lehtë. Nëse ndjekim me mollëzat e gishtave drejtimin vertikal të rruazave të shtyllës kurrizore dhe aty ku mbaron pjesa e toraksit s'kemi një kalim të rrjedhshëm, ku vertebrat të vijnë në formën e një harku 5- 7 gradë nga pjesa e toraksit, atëherë kemi të bëjmë me cervikale. Një tjetër provë është ajo pas murit. Nëse ne qëndrojmë vertikalisht me shpatulla pas një muri pak sa të prekë thembrat e këmbës, pulpën, vithet, shpatullat dhe kokën, në qoftë se ka një hapësirë më pak se dy gishta nga qafa te muri, kemi të bëjmë me drejtqëndrim. Nëse është më shumë se 2 gishta, do të thotë se pacienti ka cervikal. Kjo menjëherë jep dhimbje në pjesën e pasme të kokës. Në qoftë se beli është më larg se 2 gishta e gjysmë nga muri, atëherë kemi të bëjmë me pjesën lumbare, që ka një shtrembërim. Kjo pasqyrohet me një deformim në pjesën e legenit. Aty koksofemoralet nuk janë në drejtqëndrim, por janë si të shtyra mbrapa. Kjo është arsyeja përse njerëzit fillojnë të çalojnë dhe përfundojnë në ato operacionet e shtrenjta dhe shumë të rrezikshme. Çfarë propozoni ju për trajtimin e tyre, në vend të ndërhyrjeve kirurgjikale?
Kockat nga natyra kanë veti që midis tyre të lubrifikohen përmes lëngut sinovial. Kur këto shtypen nga mbipesha, qëndrimi, mosha e me radhë, lëngu sinovial largohet, shtypet dhe na mbeten ato cipat membranore. Kockat fillojnë të fërkohen me njëra- tjetrën dhe të japin dhimbje. Ne kemi menduar të zëvendësojmë lëngun sinovial nga natyra. Ai s'është gjë tjetër veçse ujë, yndyrë, që prodhohen nga vetë trupi dhe vendosen aty në formë të shtresëzuar.. kur ky lëng sinovial si xhel fillon të largohet, mbeten ato kripërat e larta të acidit laktik dhe ato futen midis kockave dhe vazhdojnë t'i smerilojnë dhe gërryejnë. Neve na ka lindur një ide, që krahas këtij lubrifikimi me vajin e sinapit, të bëjmë dhe diçka tjetër. Të çojmë përmes qarkullimit të gjakut një lumë të tërë me kripëra minerale, të cilat i gjejmë në natyrë me bollëk. Ose le të marrim edhe sindromën e tunelit karpal. Te kyçi i dorës janë disa kocka në formën e gjysmëhënës, të cilat realizojnë lëvizjen. Mirëpo, kur ngushtohet një pjesë e vogël te kyçi është shumë e vështirë që të realizohet lëvizja apo edhe mbledhja e dorës grusht. Kur kjo pjesë kalcifikohet, ne kemi një zgjidhje origjinale. Kemi menduar shkakun që e çon në ngushtim. Bëhet fjalë për pllakëzat e kolesterolit, acidi urik dhe acidi laktik dhe këto të tria kur përzihen me njëra- tjetrën kanë
formuar një aliazh. Dhe pacienti në momentin që tenton të mbledhë dorën grusht, jep mpirje, dhimbje sepse tendinat te kyçi hasin në kristalet e acidit laktik ose urik. Çfarë bëjmë ne? Duke futur lëndët aktive, biologjike nëpërmjet qarkullimit të gjakut, realizojmë heqjen e këtyre pllakëzave, të shkrihen dhe kanali të hapet. Cilat bimë konkretisht e kryejnë këtë funksion?
Frutat e thata, stikat, bajamet, lajthia e shumë të tjera janë shumë të shëndetshme, pasi kanë kalcium, magnez, zink, hekur, pikërisht materialet që duhen për strukturimin e lëngut sinovial.
Nëse një pacient bën terapinë që thoni ju, sa kohë i duhet për të parë rezultatet e para në trupin e tij?
Nëse merr një trajtim brenda tri ditësh, rezultati do të jetë i dukshëm. Ai nuk ikën më duke çaluar, nuk ka më dhimbje kyçesh. Gjetjet tuaja për trajtimin e dhimbjeve të kockave, i keni testuar më parë?
Ne kemi mbi pesë vjet që eksperimentojmë në këtë drejtim dhe tani jemi të bindur për rezultatin. Kemi pasur pacientë të shtruar nga spitale të ndryshme brenda dhe jashtë vendit, që kanë gjetur shërim përmes mjekësisë alternative. Le të themi është një dritë, shpresë shumë e mirë për ta.
Një në dy persona që hasim ( për të mos thënë më shumë) ankohen se u dhembin kockat. Cilat janë diagnozat më të shpeshta që adresohen te ju?
Shumicën i kam përmbledhur dhe i preka dhe më lart. Jo pak njerëz ankohen nga dhembja e gjunjëve. Edhe kjo ka zgjidhje krejtësisht natyrale. Vetëm duke u mbështetur në idenë që njeriu është një qenie biologjike me veti të çuditshme rigjeneruese. Organizmi çfarë bën?! Ato qeliza që janë dëmtuar i nxjerr jashtë, prodhon të renë dhe e vendos aty. Pak herë i kemi vrarë gjunjët kur kemi qenë fëmijë?! Sot ke pafundësisht të rinj e të reja që thjesht luajnë kalçeto dhe përfundojnë me gjunjë të vrarë. Si zgjidhet kjo?! Vendosim në pjesën e sipërme të gjurit duke bërë masazh me një ekstrakt bimor, duke përfshirë hudhër, pak spec djegës, pak shegë, pak pulpë. Mbi të vendosim vajin e sinapit dhe e mbështjellim gjurin 4- 5 net rresht me një qepë të kuqe të shtypur me kripë. Kjo ka aftësinë që nëse kemi gjak të mpiksur brenda, qepa ka veti ta thithë. Ne i bëjmë vetëm një izolim nga jashtë, me qëllim që të punojë si pompë vakumi dhe të tërheqë nga brendësia në sipërfaqe. Por kemi dhe një mënyrë tjetër për trajtim që mund të vijojë për dy ditë të tjera. Marrin pak tul buke të zezë, e lagim me verë të kuqe. Të dy këta përbërës, drithërat dhe përbërësit aktivë të rrushit veprojmë mbi gju. Jo pak ankesa ka dhe për hernien diskale. Njerëzit që ngrenë pesha ose bëjnë veprimtari të tjera mund të kenë një spostim të disqeve që mbajnë pjesën lumbare në ekuilibër. Por nuk mund të themi që u ça disku i meniskut dhe me vrap në operacion. Te ne kanë ardhur njerëz që edhe iu është bërë shenja ku do bëhej ndërhyrja, me dhimbje të tmerrshme dhe për pak ditë janë ngritur në këmbë. Këtë e kemi realizuar vetëm me vajra bimore dhe në momentin që ndjen kriza të forta përdorim edhe teknikën e masazhit në pjesën e rruazave të shtypura apo në pjesën lumbare, që bëhet shumë e lugët. Kur ka dhimbje shumë të forta, këshillojmë edhe një kurë. Pasi lyejmë pjesën që dhemb me vajin e sinapit, marrim një patate ( e prerë në feta dhe e lyer me kripë) dhe e vendosim mbi të. Lëndët aktive që përmban patatja qetësojnë dhimbjen e kyçeve. Kudo ku ka dhimbje kyçesh, patatja qetëson 100% atë. Ndërsa, bashkë me qepën, patatja me kripë efekti është edhe më i madh. Duke ditur këto veti, duke njohur mirë sëmundjen nga ana patologjike, arrijmë të qetësohet dhe rikuperohet defekti i lindur apo shënuar në një kockë të caktuar. Në libër kam trajtuar me një gjuhë shumë popullore dhe të kuptueshme me metoda kurimi për patologji të ndryshme që mund të shfaqen. Për ata që nuk kanë kontakt me ne, kanë mundësi të njihen me bimët që forcojnë kockën si strukturë. Ne e dimë që njeriu pas moshës 35 vjeç fillon të bjerë nga ana fiziologjike. Kjo rënie e vitpasvitshme bën që kocka të marrë pamjen e një sfungjeri. Me kalimin e kohës shfaqet osetopenia, faza e parë e porozitetit të kockës dhe osteoporoza, që është faza e dytë. Këtu kur kocka ka filluar të dobësojë strukturën çka e bën lehtësisht të thyeshme, ka bimë që e forcojnë atë, pasi kanë një lumë të tërë kripërash minerale, që pranohen lehtë nga organizmi, pavarësisht moshës. Përgatitja e një çaji bën që përbërësit aktivë të hyjnë lehtësisht në gjak dhe nëpërmjet tij të depozitohen në hapësirat bosh në kocka. Kështu forcojmë strukturën e tij. Ne kemi patur shumë njerëz me densitet të ulët kockor dhe nga brezi i kuq ( nënkupton alarm, kocka është shumë e dobët) janë ngjitur në brezine gjelbër. Së dyti, krahas çajrave mund të përdorim edhe frutat e thata. Stikat, për shembull, kanë shumë hekur, kalcium, magnez, fara e kungullit etj., që jo vetëm qetësojnë dhimbjen e kokës të shkaktuar nga cervikalja, por shërbejnë për kocka më të forta. Kështu që me pak volum merren kaloritë e duhura dhe mineralet dhe elementet kimike që realizojnë qëllimin final. Nuk bëjmë asgjë tjetër, veçse këshillojmë ngrënien e shëndetshme në shërbim të forcimit të kockës. Gjithçka ta jep natyra. Keni një këshillë për ata që ju ndjekin...
Nuk duhet të largoheni nga natyra. Në natyrë, çdo sëmundje ka shërim. Kërkojë dhe gjeje. Kështu bëjnë dhe kafshët. Ato helmohen nga gjarpri dhe shkojnë përmes nuhatjes te bima kundër helmit të gjarprit. Edhe ne nuk duhet të jemi thjesht si një robot karshi një sëmundjeje duke u turrur direkt në farmaci. Natyra është e para.