Perisiç kryen vizitat me Bajernin: Do jap gjithçka
Në fund fitoi Niko Kovaç. Bajerni i Mynihut ka vendosur që t'ia plotësojë dëshirat trajnerit kroat, i cili që në fillimin e merkatos kishte kërkuar Ivan Perisiçin si përforcim. Presidenti Uli Hënes dhe administratori Rumenige nuk ishin të bindur nëse interisti ishte njeriu i duhur për të zëvendësuar Riberinë, por në fund vendosën t'i japin besim trajnerit të tyre dhe mbi të gjitha lojtarit kroat. Perisiç është parë dhe fotografuar nga gazetarët e "Bild" në orën 11: 40 të ditës së djeshme kur ka dalë nga studioja mjekësore e Roland Shmid në Mynih. Ai ka kryer vizitat ditën e djeshme dhe e ka konfirmuar diçka të tillë. "Po. Kreva vizitat mjekësore, sapo i përfundova ato", ka thënë ish- lojtari i Interit.
Menjëherë sapo ka përfunduar vizitat mjekësore, Perisiç dhe menaxheri i tij Nedad Jestroviç u paraqitën në zyrat
Dita
qendrore të Bajernit. Këta të fundit kanë gjetur gjuhën e përbashkët me Interin për huazimin 1- vjeçar për 5 milionë euro dhe mundësinë e blerjes për 25 milionë. "Do të jap maksimumin. Po pres me padurim momentin për të filluar", mësohet të ketë thënë Perisiç. Të mërkurën, ai pritet që të stërvitet me shokët e tij të skuadrës, ndërsa këtë javë mund të bëjë edhe debutimin, në rast se dokumentet nuk do të vonojnë. Niko Kovaç e vlerëson shumë atë dhe mund t'i japë besimin që në fillim. Perisiç është rikthyer në Milano ku ka përshëndetur për herë të fundit lojtarët e Interit. Antonio Konte e nxori jashtë planeve duke thënë se nuk e bënte dot mesfushorin e krahut në skemën 3- 5- 2. Me shitjen e tij, Interi shmang afro 10 milionë euro humbje nga rroga dhe bonuset, të cilat do të shërbejnë për t'u investuar diku tjetër.