Klandestinët, grupi ka trafikuar rreth 500 shqiptarë
Pagesa 9000 paund për në Angli dhe 30 mijë dollarë për në ShBA
Më shumë se dy vite hetime të Prokurorisë për Krime të Rënda, kanë zbardhur veprimtarinë kriminale të një grupi, i cili ka trafikuar rreth 500 shqiptarë në vende të ndryshme të Bashkimit Europian, Amerikë dhe Kanda. Për këtë aktivitet, janë marrë të pandehur 51 shtetas. Duke iu referuar hetimeve të Prokurorisë, rezulton se secili prej këtyre personave ka vepruar në kuadër të grupit kriminal dhe çdo njëri prej tyre, ka pasur një rol. Aktiviteti kriminal ishte i shtrirë në disa vende nga Maqedonia, Bullgaria, Kosova, Sllovenia, Italia, Spanja, Portugalia, Franca, Irlanda deri në vendet e Amerikës Latine. Pasi siguroheshin personat e interesuar për të kaluar kufirin në mënyrë të paligjshme, anëtarë të grupit kontaktonin me njëri- tjetrin për të bërë të mundur krijimin e dokumenteve të falsifikuara, shoqërimin dhe transportin e personave që do të trafikoheshin. Këta persona, kur kërkonin të trafikoheshin në Mbretërinë e Bashkuar, përdornin si vende transite vendet e BE- së, ndërsa në raste se do të kalonin në mënyrë të paligjshme në Kanda dhe SHBA, përdoreshin si vende transite Meksika, Panamaja dhe Republikë Domenikane. Shumat që paguanin të interesuarit për të kaluar në mënyrë të paligjshme varionin nga 7000 deri në 9000 paund për në Mbretërinë e Bashkuar dhe 25000 deri në 30000 dollarë për në ShBA dhe Kanada. Nga hetimet e Prokurorisë për Krime të Rënda, si pjesë e grupit kanë rezultuar edhe dy punonjës të policisë, të cilët tashmë janë në masën e sigurisë "Arrest në burg". Hetimet për dy ish- policët janë ndarë dhe vazhdojnë ende, për të zbardhur bashkëpunëtorët e tjerë.
KONTRABANDIMI Zakonisht shtetasit që do të emigronin, udhëtonin me dokumente shqiptare deri në vendet kryesisht të Bashkimit Evropian, ku udhëtimi nuk kërkon vizë. Si shtete transite për destinacion final Mbretërinë e Bashkuar, përdoreshin shtetet e BE si Franca, Spanjë, Itali me qëllim për të emigruar në mënyrë të paligjshme, kurse për të emigruar në mënyrë të paligjshme në drejtim të SHBA- së dhe Kanada- së, janë përdorur si shtete transite, Meksika, Panamaja dhe Republikë Domenikane. Shtetasit që do të emigronin në mënyrë të paligjshme, pas mbërritjes në një nga shtetet e mësipërme europiane, futeshin në zonën e transitit po në këtë moment fshihnin dokumentet e vërtetat të udhëtimit dhe vini në përdorim dokumentin e falsifikuar të udhëtimit ku kishin bërë dhe rezervimin e biletës së avionit për në destinacionin e dëshiruar si në Angli, SHBA dhe Kanada.