Arbër Çekaj mund të ekstradohet drejt Shqipërisë
Çekaj është në pritje edhe të përgjigjes për kërkesën e azilit
Një gjykatë e Shkallës së Parë në Gjermani ka pranuar kërkesën për ekstradimin e Arbër Çekajt drejt Shqipërisë, i akuzuar për trafikun e 613 kilogramëve kokainë të kapur në Portin e Durrësit. Vendimi për lejimin e ekstradimit është apeluar dhe tashmë do të jetë Shkalla e Dytë që do të marrë një vendim të formës së prerë. Megjithatë, Çekaj ka kërkuar edhe azil, me pretendimin se në Shqipëri i rrezikohet jeta, kërkesë e cila është ende nën shqyrtim dhe autoritetet gjermane nuk kanë dalë me një vendim. Arbër Çekaj u arrestua në Gjermani në maj të 2018- ës, pas një urdhri ndërkombëtar ndalimi të shpallur nga Shqipëria për ekzekutimin e vendimit të Gjykatës për Krime të Rënda, që caktoi ndaj tij masën "Arrest në burg" në mungesë. Ndërkohë, pas më shumë se një viti, Prokuroria për Krime të Rënda ka mbyllur hetimet për kokainën e kapur në Durrës në shkurt të 2018- ës dhe ka marrë të pandehur Arbër Çekajn, Armando Pezakun dhe Donaldo Lushajn. Sasia e lëndës narkotike e fshehur mes bananeve u zbulua më 27 shkurt 2018, ndërsa Çekaj është pronar i kompanisë që porositi kontejnerin me banane. Çekaj u arrestua disa muaj më parë në Gjermani, por ekstradimi i tij nuk është bërë ende. Kokaina u gjet në dyshemenë e modifikuar të kontejnerit me banane, të porositura nga kompania "Arbri Garden". E ndërsa Donaldo Lushaj u prangos si menaxher i kompanisë, Armando Pezaku, si drejtues i kamionit që transportoi drogën. Ndërkohë, Arbër Çekaj rezultonte të ishte larguar nga Shqipëria 3 javë para se të sekuestrohej sasia rekord e kokainës dhe që në atë moment, Policia bëri shpalljen në kërkim ndërkombëtar, pasi kishte dyshime se ai ndodhej në Gjermani. Sipas hetimeve, Çekaj, i cili kishte porositur kontejnerin me 20 tonë banane nga Kolumbia, duket se kishte porositur edhe kokainë. Sipas Policisë, sasia rekord e kokainës prej 613 kilogramësh u sekuestrua pas një përgjimi 8- ditor të agjentëve policorë në terren. Operacioni ka vazhduar me dorëzim të kontrolluar për të konfirmuar se ngarkesa do të dorëzohej në magazinën e "Arbri Garden" në Maminas. Sipas burimeve zyrtare të Policisë, agjentët civil të kamufluar kanë vëzhguar kontejnerin në mënyrë të fshehtë si në Portin e Durrësit, ashtu edhe në magazinat e "Arbri Garden". 8 ditë, kontejneri ka qëndruar në Portin e Durrësit dhe gjithmonë është ruajtur nga agjentët civilë të Policisë. Më pas, kontejnerin që poshtë dyshemesë kishte 613 kilogramë kokainë, ka shkuar për ta marrë Armando Pezaku. Kjo është sasia më e madhe e kokainës e kapur ndonjëherë në territorin shqiptar. Ngarkesa me banane dhe kokainë ka kaluar transit në Itali dhe Maltë dhe më pas ka mbërritur në Shqipëri. TON marijuanë është sekuestruar nga Policia greke, e ngarkuar në një velierë që kishte si destinacion Turqinë, ndërsa janë arrestuar dy shtetas ukrainas. Sipas mediave greke, veliera ishte nisur nga Saranda, por Policia shqiptare e hedh poshtë këtë version