Krizë e fortë në 2- vjetorin e martesës së Marina Vjollcës dhe Getoar Selimit, arsyet e sherrit që po flasin të gjithë
Në maj, Marina Vjollca festoi 29- vjetorin si gruaja e CEO- s Getoar Selimi, ndërsa në shtator do të ketë dyvjetorin e martesës. Por duket se ky përvjetor nuk është më i miri i mundshëm, pasi cifti Vip është duke kaluar një krizë të fortë. Të njohurit e tyre po flasin për një ndarje të mundshme, por e vërteta është se ata janë konfliktuar me njëri- tjetrin, një sherr që nuk ka mbetur brenda mureve të shtëpisë, pasi është marr vesh vesh nga të gjithë. Në fakt, nuk është hera e parë që ata konfliktohen me njëri- tjetrin që nga dita kur nisën bashkëjetesën në shtëpinë e re të Getoarit, në një zonë luksoze rezidenciale në Tiranë.
Sipas miqve të çiftit, nuk mund të themi se ata kanë arritur në një pikë të tillë, pasi ky është stili i tyre: dashuri dhe sherr. Me sa duket pasionin dhe ndjenjën që kanë për njëri- tjetrin e shoqërojnë me skena xhelozie, që janë gjithmonë prezente në jetën e tyre. Kjo, për faktin se Getoari si reper është gjithmonë i lakmuar nga femrat, ndërsa Marina, pas një periudhe të gjatë pa punë, po i rikthehet karrierës televizive.
Ajo do të moderojë një program të ri në “Tv Klan” me Bes Kallakun dhe Olsi Bylykun, që flitet se do të transmerohet të shtunën, në vend të programit të Ermal Mamaqit. Për këto ndryshime nuk kanë folur ende vetëm moderatorët, por një gjë është e sigurt që Marina më në fund do të rikthehet në ekran. Por ky rikthim nuk është pritur shumë mirë nga Getoari, i cili, sipas burimeve, kërkon ta kontrollojë dhe t’i imponohet gruas së tij në çdo vendim të saj. Sipas atyre që e njohin mirë çiftin, kjo është një nga krizat më të forta që ata po kalojnë dhe që shpresojmë ta hedhin shpejt pas krahëve. Këtë vit, moderatorja festoi ditëlindjen e saj të 29- të, larg ekranit, fakt që e shqetësonte jo pak, aq sa me shaka e konsideronte veten “shtëpiake e dëshpëruar”.
Në atë ditë të veçantë për moderatoren nuk munguan urimet nga më të dashurit e saj, si motra Luana Vjollca apo bashkëshorti i saj, CEO i fuqishëm i “Babastars”, Getoar Selimi. Ai u kujdes që të zgjidhte fjalët e duhura për bashkëshorten e tij, duke qenë se këtë vit ajo festonte ditëlindjen larg ekranit. Duke publikuar një foto nga seti fotografik i fundit i saj bashkë me të, ai shkruante: “Ditëlindja jote është rilindje për mua! Gëzuar e shtrenjta ime!”. Menjëherë pas këtij postimi, në llogarinë e reperit mbërritën të tjera urime nga fansat e Marinës. Edhe pse jashtë ekranit, Marina ka tërhequr vëmendjen me postimet në “Instagram”- in e saj. Nuk kanë munguar prej muajsh fotot e pushimeve martesore në vendet më të shtrenjta, një jetë luksoze kjo e siguruar nga bashkëshorti i saj, Getoar Selimi. Kujtojmë, se me përçarjen e grupit “Babastars”, me lider Getoarin, anëtarët e larguar, Skivi dhe Cozman, zbuluan dhe aksionet fitimprurëse të Selimit, që i japin mundësinë të bëjë jetë milioneri. Pak javë më parë, Marina publikoi disa fotografi të reja mjaft provokuese dhe hot. U tha se pasi Marina u bë gruaja e tij, Getoari tregohej fanatik, duke i kontrolluar madje dhe veshjet që të mos ishin shumë provokuese në spektaklin që ajo moderoi në “Tv Klan”, “C’est la vie”. E pas një periudhe pushimi në televizion, ajo u rikthye me pozat e saj të reja, që u pëlqyen shumë nga ndjekësit e saj. Ky set, natyrisht, që nuk u bë pa qëllim nga Marina, e cila thyen më në fund heshtjen për rikthimin në ekran. Lajmin e dha me anë të një postimi në “Instagram”. Pa zbuluar asnjë detaj lidhur me televizionin apo formatin që do drejtojë këtë herë, ajo la të kuptohet se planet janë të afërta. “Projekte të reja, shumë shpejt”, shkruante ajo, duke paralajmëruar rikthimin. Prej kohësh, është diskutuar në media për largimin disi të gjatë të Marinës nga ekrani, por, siç duket, pritjes i erdhi fundi. Por shpresojmë që të mos i vijë fundi edhe martesës së saj, ndër më të komentuarat në mediat rozë.
Sa i takon karrierës, projekti që Vjollca prezantoi para shkëputjes disamujore ishte “C’est La Vie” në “Klan Tv”, një emision muzikor shumë i veçantë, ndërsa deri tani dihet që projekti i ri do të jetë një talent show. Pak kohë më parë, u fol se emisioni i saj i ri do të kishte për protagonistë edhe bashkëshortin Getoar Selimi dhe Flori Mumajesin, një format për “Klan Kosova”.
Por më pas ishte moderatori Alaudin Hamiti, që mori përsipër autorësinë e programit me titull “E ke yllin”. Për projektin e “Klan Kosova”, Alaudini tregoi se ky spektakël për herë të parë do të shfaqet në Kosovë dhe konkurrentët do të këndojnë këngë shqipe. Shumë kolegë të saj e konsideruan një lëvizje të gabuar të saj, duke qenë se la punën si bashkëdrejtuese prej 10 vitesh e “Procesi Sportiv” me Edi Manushin dhe humbi stabilitetin në punë. Për këtë arsye, Marina, që pas mbylljes së spektaklit “C’est la vie”, iu dedikua një jete të qetë, larg preokupimeve dhe lodhjes. Në postimet e saj, ajo bënte autoironi, duke e konsideruar veten “shtëpiake e dëshpëruar”. Pas martesës me reperin e njohur Getoar Selimi, të gjithë presin një fëmijë nga çifti i njohur i showbizz- it, duke qenë se hapat që ata hodhën në marrëdhënien e tyre, ishin të një çifti tradicional, me fejesë e më pas martesë.
Marina, edhe pse një personazh publik dhe e identifikuar në karrierën e saj me mbiemrin Vjollca, vendosi të merrte mbiemrin e burrit ( Selimi) gjatë betimit në altar. Ndërsa Getoari, për t’iu përshtatur karrierës së saj në Shqipëri, vendosi të blinte apartament në Tiranë, ku nisën bashkëjetesën si burrë e grua.
Nga ana tjetër, martesa duket se i largoi fillimisht nga karriera, një shkëputje momentale për Getoarin, por e gjatë për Marinën.
Le të shohim nëse fillimi i sezonit të ri televiziv do të jetë dhe një fillim i ri dhe më i mirë në martesën e tyre.