25 MIJE PERFITUES

Para dhe tokë, skema e kompensimit të pronave

Zbardhet skema si do kompensohen me para dhe tokë shtetër ore pronarët për tokat e zëna para ‘ 91. Lista zyrtare e ATP me 25 mijë emrat e për fituesve

Ndryshimet e bëra në ligjin për kompensimin e pronave, i japin përparësi skemës së kompensimit fizik. Kjo, për shkak të faturës së majme që do të rëndonte në buxhet nëse kompensimi do të bëhej 100 për qind në para.

Kështu, në vendimet që pasuan ligjin e ri, mund të kompensohen financiarisht vetëm për 20% të vlerës së faturës, por jo më shumë se 10 milionë lekë të reja. Për pjesën e mbetur do të mbulohen nga fondi i tokës. Janë rreth 23 mijë ha tokë bujqësore që ATP disponon. Për shpërndarjen e kësaj sipërfaqeje do të aplikohet kriteri i përzgjedhjes së një prone, e cila është gjeografikisht afër pronës së njohur për kompensim. Por pavarësisht kësaj skeme, fondi financiar por edhe fizik është i pamjaftueshëm për të kompensuar mbi 18 mijë familje që kanë në duar faturën për pronën e tyre nga 25 mijë që ishin në proces. Pjesa tjetër u penalizua, për shkak të mungesës së dokumentacionit, por edhe prej faktit që iu ishte kthyer një pjesë e pronës. Përkundrejt pritshmërive, procesi i kompensimit ka ecur me ritme të ngadalta. Për 6- mujorin e parë të këtij viti u ndanë vetëm 13 milionë dollarë nga 50 milionë që është fondi vjetor. Për të bërë të mundur përshpejtimin e pagesave për pronarët, ATP po shikon mundësinë e përfshirjes së një skeme të re kompensimi. Të favorizuar do të jenë ata pronarë që kanë në duar vendime me faturë minimale, përkatësisht nga 200 mijë deri në 500 mijë, të cilët me ndryshimet që pritet të miratohen brenda këtij viti do të kenë mundësi të kompensohen në masën 100 për qind nga fondi financiar. Burime nga ATP bëjnë me dije se janë një numër i konsiderueshëm familjesh që kanë vendime në vlera të ulëta. Kjo për shkak edhe të formulës së aplikuar për vlerësimin e këtyre pronave, ku çmimet ishin të sotmet, por zëri kadastral ishte ai i origjinës.