Patozi: Rama të largohet sa më parë
Kryetari i “Bindjes Demokratike”, Astrit Patozi theksoi dje se Rama dhe Rilindja duhet të largohet nga qeverisja një ditë e më parë. Duke iu referuar rasteve të krerëve të bashkive që u bënë subjekt të ligjit të dekriminalizimit, Patozi theksoi se këto dëshmojnë se “huqi del me shpirtin”. “Rastet e fundit me të përzgjedhurit e Ramës tregojnë se “huqi del me shpirtin” dhe kjo të çon në përfundimin se Shqipëria nuk ka asnjë arsye pse të presë dhe shpresojë në efektet vetërregulluese të dekriminalizimit. Ndaj, mënyra e vetme për ta nxjerrë vendin nga kjo spirale e rrezikshme është që të prishim djepin që e lindi dhe barkun që e ushqen. Me pak fjalë, të rrëzojmë nga pushteti “Rilindjen” e Edi Ramës, si rruga më e shkurtër dhe më e dobishme kombëtare për të shkuar te rezultati”, theksoi Patozi.