"SPAK DO HETOJË TË PAPREKSHMIT E SHQIPËRISË"
Me anë të një videoje të bërë publike në faqen zyrtare në "Facebook", ambasada e Shteteve të Bashkuara të Amerikës shpjegon rëndësinë e Strukturës Antikorrupsion ( SPAK) dhe funksionin e saj. "Do të hetojë dhe ndjekë penalisht të paprekshmit", theksohet në videon e ambasadës. Duke sjell një panoramë të asaj çfarë ka ndodhur me sistemin e vjetër, në video shpjegohet se prokurorët që do jenë pjesë e Prokurorisë së Posaçme do të zgjidhen nga Këshilli i Lartë i Prokurorisë dhe jo më nga "zyrtarë të korruptuar" që kishin nën kontroll sistemin. duke bërë të pamundur ndjekjen e tyre penalisht. Ambasada e SHBA- ve shkruan se me anë të parave, kanosjes apo ndikimit politik, prokurorët ishin të prekshëm.