SPAK
Nëpërmjet një videoje, ambasada e Shteteve të Bashkuara të Amerikës shpjegon rolin e Byrosë Kombëtare të Hetimit ( BKH).
Si një nga organet e reja të Reformës në Drejtësi, BKH do të jetë shumë e rëndësishme për funksionimin e Strukturës së Posaçme Antikorrupsion, që do të hetojë korrupsionin në nivele të larta dhe krimin e organizuar. Byroja e Hetimit pritet të ngrihet pas konstituimit të SPAK, ndërsa drejtuesi i saj do të zgjidhet nga kreu i SPAK dhe dy prokurorë të tjerë të posaçëm. Duke iu referuar videos së ambasadës, hetuesit që do të jenë pjesë e Byrosë do të trajnohen në akademinë e FBI- së në Amerikë. Byroja dhe FBI janë të ngjashme, shkruan ambasada në video, ndërsa e shikon këtë organ si një garanci ku askush nuk do të jetë mbi ligjin. Trajnimet e hetuesve të Byrosë do të ndiqen edhe nga një komision ndërkombëtar vëzhguesish, për të parë ecurinë e tyre dhe përgatitjet që do t'u bëhen. Ashtu si prokurorët dhe gjyqtarët e posaçëm, edhe hetuesit e BKH- së do t'u nënshtrohen kontrolleve të vazhdueshme të llogarive bankare dhe telefonit. Këto kontrolle, theksohet në video, do të bëhen me qëllim për të monitoruar dhe parë nëse hetuesit janë duke kryer punën me integritet dhe të pandikuar. Duke vënë në dukje se në të kaluarën ka qenë shumë e lehtë që me para dhe pushtet të mund të ndikoje në sistemin e drejtësisë për të marrë një vendim, me ngritjen e strukturave të reja, sipas SHBA- ve, kjo nuk do të jetë më e mundur. Disa ditë më parë, ambasada, me anë të një tjetër videoje, shpjegonte funksionin dhe rëndësinë e SPAK në luftën kundër korrupsionit dhe krimit të organizuar. AMBASADA E SHBA- VE
"Byroja Kombëtare e Hetimit është njësia hetimore e Strukturës së Posaçme Antikorrupsion ( SPAK). Ky i fundit është një institucion i ri, i pavarur dhe i papolitizuar, kushtetues, detyra e të cilit është të ndjekë penalisht korrupsionin, krimin e organizuar dhe krimet e kryera nga zyrtarë të nivelit të lartë. Në shumë mënyra, BKH është e ngjashme me FBI- në amerikane, e cila heton krime të nivelit të lartë në Shtetet e Bashkuara. Në fakt, hetuesit e BKH- së do të trajnohen në akademinë e FBIsë, në Virxhinia. Ligji për SPAK- un kërkon gjithashtu që një komision ndërkombëtar të mbikëqyrë trajnStruktura e Posaçme Antikorrupsion është struktura e posaçme që do të hetojë dhe çojë në Gjykatë dosjet e korrupsionit dhe krimit të organizuar. SPAK do të përbëhet nga 15 prokurorë, të cilët presin të kalojnë në sitën e vetingut për të qenë pjesë e saj. Me ngritjen e SPAK do të shkrihet Gjykata për Krime të Rënda, kompetencat e së cilës do t'u kalojnë gjykatave në rrethe. imin dhe përgatitjen e hetuesve të BKH". PËRBËRJA DHE
FUNKSIONI "BKH përbëhet nga një drejtues dhe një ekip hetuesish, të cilët do të duhet të përmbushin standarde të forta të ngjashme me ato të FBIsë. Kryeprokurori i posaçëm i SPAK, së bashku me dy prokurorë të posaçëm të tjerë, do të zgjedhin bashkërisht drejtorin e BKH- së. Ky drejtor do të drejtojë ekipe të hetuesve. Pasi të jenë përzgjedhur për këtë organ të rëndësishëm kombëtar, drejtorit dhe hetuesve të BKH- së do t'u monitorohen llogaritë bankare dhe telefonat, për të siguruar që kryejnë detyrën me integritet dhe paanshmëri".
RËNDËSIA "Në të kaluarën, cilido me para dhe pushtet mund të ndikonte në sistemin e Gjykatave në favor të tyre. Tani, Kushtetuta i jep SPAK fuqinë dhe pavarësinë për të goditur korrupsionin e nivelit të lartë. Me t'u ngritur SPAK, edhe BKH do të jenë në gjendje që të hetojë korrupsionin në nivelet më të larta dhe prokurorët e Posaçëm mund t'i çojnë këto çështje në Gjykatë. Zyrtarët e korruptuar dhe bosët e krimit të organizuar do të japin llogari dhe do të përballen me drejtësinë. Prokurorët e Posaçëm dhe BKH janë këtu për t'u siguruar që askush të mos jetë mbi ligjin".