SHKËMBI: NUK TREGUAM BESIM NDAJ TIRANËS
Trajneri i Teutës, Bledi Shkëmbi, pranon barazimin në sfidën ndaj Tiranës. Gjithashtu, tekniku korçar evidentoi edhe problemet që hasi skuadra e tij në këtë duel, por beson se do të dijë që të korrigjojë gjërat. "Jam i kënaqur me rezultatin dhe deri diku me mënyrën si luajtëm. Pas pjesës së parë, kishim probleme. Në të dytën u shprehëm diçka më mirë. Patëm shanse për ta fituar takimin, siç pati edhe Tirana, ku goditi traversën. Efikasiteti në sulm, problem për ne? Në çdo ndeshje po kërkojmë alternativa në fazën sulmuese, ku shpesh na mungon qetësia. Nuk më pëlqeu mosbesimi për të shënuar dhe për të goditur Tiranën. Na mungoi pasimi i fundit, por do ta korrigjojmë".