Shqipëria mund të mbetet prapa me negociatat

Maqedonia e Veriut mund të marrë një datë për fillimin e negociatave në vjeshtë, ndërsa ky skenar është më pak realist për Shqipërinë. Në një intervistë për mediat sllovake, ish- eurideputeti, Eduard Kukan, theksoi se Maqedonia e Veriut ka vite që i plotëson kriteret, por Unioni po e shtyn për shkak të problemit që kishte me Greqinë. "Maqedonisë së Veriut mund t'i jepej një datë specifike në samitin evropian në vjeshtë, të cilën unë e konsideroj realiste", thotë ish- eurodeputeti, duke shtuar se, ndërsa Emmanuel Macron kishte deklarata shumë kategorike për këtë çështje, duket se ai tashmë po i lehtëson ato. Nga ana tjetër shprehet i vetëdijshëm se edhe Tirana po pret një hap të ngjashëm, por se situata në Shqipëri është krejtësisht e ndryshme.