Veliaj: Kush provohet fajtor, qërohet nga Tirana

Kryetari i Bashkisë së Tiranës, Erion Veliaj, përshëndeti dje operacionin e Policisë së Shtetit, që bëri të mundur goditjen e një rrjeti falsifikatorësh të biletave të transportit publik urban në Tiranë. Nëpërmjet një komenti në rrjetet sociale, Veliaj falënderon Policinë për këtë ndërhyrje dhe vënien para drejtësisë tashmë të përgjegjësve të këtij mashtrimi të madh. "Mirënjohje Policisë së Shtetit për ndërhyrjen energjike kundër abuzimit! Kush provohet fajtor, qërohet nga Tirana", shkruan Veliaj në reagimin e vet në rrjetet sociale. Operacioni i koduar "Bileta e falsifikuar" u realizua dje nga Policia, në kuadër të planit të masave "Mbi informalitetin në turizëm, ndërtim, hidrokarbure, trajtimi i mallrave me akcizë dhe evazionin fiskal".