PENALITETET

Penalitete do të ketë jo vetëm për familjet që bëjnë deklarim të rremë, pra, që nuk deklarojnë sa është sipërfaqja e banesës, por edhe për ato që nuk paraqiten për të aplikuar. Drejtoria e Ujësjellës Kanalizimeve Tiranë ka bërë me dije se për ato familje që nuk paraqiten për të deklaruar të dhënat e banesës, do të aplikohen çmimet e referencës. Kështu, për shtëpitë e pas vitit 1993, do të merret e mirëqenë sipërfaqja 100 metër katrorë, ndërsa për ato të ndërtuara para këtij viti 70 metër katrorë. Mbi bazën e kësaj sipërfaqeje do të llogaritet edhe taksa e cila do të mblidhet bashkë me faturën e ujit. “Në rast se vlera e vetëdeklaruar nga taksapaguesi rezulton e ndryshme nga vlera e llogaritur me çmim e vlerësuar, të përcaktuar në metodologjinë e miratuar me VKM nr. 132, datë 07.03.2018, si vlerë e bazës së taksës do të merret vlera më e lartë”, specifikohet më tej në njoftim.