Kryemadhi: LSI s’e kushtëzon pjesëmarrjen në zgjedhje
“E domosdoshme, përballja në zgjedhje e të gjithë opinionit publik”
Kryetarja e Lëvizjes Socialiste për Integrim, Monika Kryemadhi, është e unifikuar me kryedemokratin Lulzim basha sa i takon çelësit për zgjidhjen e krizës politike, por ata ndahen në mënyrën e përdorimit të tij. Në një intervistë për “News 24”, Kryemadhi shprehet se kriza politike mund të zgjidhet vetëm nëpërmjet zgjedhjeve të ndershme, por ndryshe nga Basha, ajo thotë se nuk e kushtëzon pjesëmarrjen në zgjedhje me largimin e Edi Ramës. Pas 30 qershorit, Kryemadhi thotë se opozita duhet të marrë përgjegjësitë përballë 85% të qytetarëve që refuzuan zgjedhjet. “Pavarësisht po themi, ligjëratës politike që ngre kryetari i opozitës dhe kryetari i Partisë Demokratike, që me një qeveri tranzitore dhe pa Ramën Kryeministër pranojnë të futen në zgjedhje, për ne si Lëvizje Socialiste për Integrim është e domosdoshme përballja në zgjedhje e të gjithë opinionit publik, sepse në fund të fundit, në votimet e 30 qershorit shqiptarët i dhanë një përgjigje jashtëzakonisht të madhe jo vetëm maxhorancës, ku i thanë që e bojkotuan në mënyrë 85%, por në fakt i dhanë një përgjegjësi shumë të madhe opozitës, duke i thënë që 85% e tyre iu përgjigjën po themi aksionit politik të opozitës për të mos marrë pjesë në votimet moniste të maxhorancës. Nga ana tjetër, përgjegjësia e opozitës tashmë është që të marrë përsipër përgjegjësitë për t’i drejtuar këta 85% shqiptarë drejt hapjes së negociatave”, tha Kryemadhi. Sipas Kryemadhit, Kryeministri Edi Rama është treguar arrogant me opozitën dhe ka refuzuar dialogun. “Mund të them që mungesa e dialogut nuk ka ardhur për shkak të opozitës, por prej arrogancës së maxhorancës dhe sidomos të Kryeministrit”, tha Kryemadhi. Kryetarja e LSI- së ka komentuar edhe raportin e OSBE/ ODHIR- it dhe akuzoi Edi Ramën se e interpreton gabim. “Raporti i OSBE/ ODHIRit thotë se dekretet e Presidentit janë të ligjshme dhe gjykohen vetëm në Gjykatë Kushtetuese. Raporti i OSBE/ ODHIR- it thotë që vetin
Pavarësisht po themi, ligjëratës politike që ngre kryetari i opozitës dhe kryetari i Partisë Demokratike, që me një qeveri tranzitore dhe pa Ramën Kryeministër pranojnë të futen në zgjedhje, për ne si Lëvizje Socialiste për Integrim është e domosdoshme përballja në zgjedhje e të gjithë opinionit publik
gun, zoti Rama e përdori për të shantazhuar gjyqtarët e Kolegjit Zgjedhor. Raporti i OSBE/ ODHIR- it thotë që Prokuroria nuk dënon dhe nuk ndëshkon krimin elektoral. Raporti i OSBE/ ODHIRit thotë që qytetarët shqiptarë nuk kishin mundësi zgjedhjeje. Raporti i OSBE/ ODHIR- it thotë që komisionet zgjedhore ishin të pabalancuara politikisht”, deklaroi Kryemadhi. Kryetarja e Lëvizjes Socialiste për Integrim, Monika Kryemadhi, akuzoi Kryeministrin Edi Rama se ka kapur institucionet e reja të drejtësisë dhe i përdor ato për interesat e tij.