Drogë dhe armë, dy në pranga, dy të tjerë në kërkim
Lënda narkotike ishte fshehur në bidonë plastikë
FIER – Dy pjesëtarë të një familjeje në Cakran janë arrestuar dhe dy të tjerë janë shpallur në kërkim pasi nga një kontroll i befasishëm në banesën e tyre, Policia gjeti lëndë narkotike dhe armë. Ndërhyrja e forcave të Policisë mësohet se është bërë pas sigurimit të informacioneve se, në një shtëpi në Cakran kishte kanabis. Lënda narkotike, një sasi prej 57 kg, u gjet e fshehur në një ambient të përshtatur si magazinë. Përveç drogës, nga kontrolli, Policia gjeti dhe një armë kallashnikov dhe municione. Gjatë operacionit antidrogë, Seksioni për Hetimin e Narkotikëve dhe Trafiqeve të Paligjshme në KG KANABIS është sasia e lëndës narkotike që Policia sekuestroi gjatë kontrollit të banesës në Cakran. Dyshohet se kanabisi është kultivuar gjatë vitit të fundit, në një zonë pyjore duke mos u identifikuar dot nga Policia gjatë kontrolleve. Drejtorinë Vendore të Policisë Fier, në bashkëpunim me Komisariatin e Policisë Fier vunë në pranga dy prej pjesëtarëve të kësaj familjeje, ndërsa dy të tjerë janë shpallur në kërkim. “Në kuadër të punës për parandalimin, evidentimin dhe goditjen e veprimtarisë kriminale në fushën e narkotikëve, në vijim të kontrollit të pandërprerë të territorit, si edhe mbi bazën e informacioneve të mara në rrugë operative, nga ana e Komisariatit të Policisë Fier në bashkëpunim me specialistët e Seksionit për Hetimin e Narkotikëve në Drejtorinë Vendore të Policisë Fier, është organizuar dhe finalizuar operacioni ‘ Cakrani’. Si rezultat i këtij operacioni, u arrestuan në flagrancë shtetasit: N. D., 61 vjeç, banues në Cakran. J. D., 47 vjeç, banues në Cakran. Gjithashtu. u bë shpallja në kërkim e shtetasve: M. D., 38 vjeç, dhe D. D., 24 vjeç. Nga kontrolli i ushtruar në banesat e tyre në fshatin Cakran, Policia gjeti dhe sekuestroi në cilësinë e provës materiale rreth 57 kg lëndë narkotike e dyshuar kanabis, një armë zjarri dhe municion luftarak”, bëhet e ditur nga Policia. Çështja i ka kaluar Prokurorisë pranë Gjykatës së Shkallës së Parë Fier, për veprat penale “Prodhimi dhe shitja e narkotikëve” dhe “Mbajtja pa leje e armëve dhe municioneve luftarake”.