Prof. dr. Petrit Bara dekorohet me titullin ‘ Mjeshtër i Madh’

Presidenti Meta, në Konferencën Shkencore: Hartues i suksesshëm i një sërë tekstesh universitare dhe traktatesh në fushën e mjekësisë

Vleratnjerëzore çmohen nga njerëzit e mençur”. Kjo sentencë, bashkudhëtare e historisë së njerëzimit, gjeti mishërim të plotë edhe sot ( 13 shtator 2019) në Konferencën Shkencore...

Edhe pas titujve “Qytetar Nderi” i Dibrës, Bulqizës e Tetovës, që i kanë dhënë atij bashkitë e qyteteve respektive, dekorimi nga Presidenti i Republikës, Ilir Meta, me titullin “Mjeshtër i Madh”, është vlerësim i meritave dhe kontributit të intelektualit, demokratit dhe kuadrit shembullor Petrit Bara

“110 Vjet Kongresi i Dibrës – Ngjarje Historike për Kombin Shqiptar”, që u mbajt nga Shoqata Bashkësia Dibrane në Tiranë, në sallën e Konferencave të Akademisë së Shkencave. Në këtë event të rëndësishëm ishte i pranishëm edhe Presidenti i Republikës, SHT Ilir Meta. Nëpërmjet fjalëve përshëndetëse, referateve e kumtesave të mbajtura nga prof. dr. Bujar Kapexhiu, kryetar i Shoqata Bashkësia Dibrane, nga sekretari i përgjithshëm i kësaj shoqate, dr. Saimir Shatku e kryetari i Komunës Dibër e Madhe, z. Hekuran Duka, si dhe nga profesorët e akademikët e mirënjohur: Beqir Meta, Bajram Xhafa, Adem Bunguri, Gafur Zoto, Tefik Jegeni, Roland Hysa etj., u evidentua kontributi i personaliteteve dibrane në shtetformimin e kombit shqiptar. Qindra pjesëmarrësit në këtë konferencë shkencore ndoqën me interes të jashtëzakonshëm edhe dokumentarin “110- Vjetori i Kongresit të Dibrës ( 1909- 2019)”.

Prof. dr. Bujar Kapexhiu tha se Shoqata Bashkësia Dibrane e quan një ngjarje tepër të çmuar të përkujtojë këtë eveniment historik, në këtë jubile të 110- vjetorit të Kongresit, si dhe në 110- vjetorin e lindjes së saj. Kjo, sipas tij, për faktin se Kongresi i Dibrës i vitit 1909 shërbeu për t’i dhënë jehonë mençurisë dhe trimërisë së patriotëve dibranë, për ta kthyer këtë Kongres në një lëvizje patriotike, me një platformë dhe program tërësisht shqiptar. “Është fakt me shumë rëndësi, që të gjithë përfaqësuesit e këtij Kongresi mbrojtën interesin kombëtar mbi identitetin ideologjik e atë kulturor. Është fakt që Kongresi i Dibrës iu dha dritë edhe lëvizjeve të mëvonshme kombëtare”, tha prof. dr. Bujar Kapexhiu.

Në këtë event historik, kreu i shtetit, Ilir Meta, në vlerësim të aktivitetit dhe rolit që ka luajtur, dekoroi Shoqatën Bashkësia Dibrane me Titullin: “Kalorës i Urdhrit të Skënderbeut”, me motivacionin: ” Për kontributin e shquar dhe patriotik, si vazhdimësi historikë e klubit ‘ Bashkimi Dibran’ të 1908, për ruajtjen, kultivimin, promovimin dhe mbajtjen gjallë të traditës dibrane, përmes vlerave të trashëgimisë kulturore, atdhetare, artistike, në respekt të vlerave të Dibrës së Madhe dhe komunitetit tradicional dibran në Tiranë. Shoqatë, e cila mbledh, organizon dhe nxit bashkëjetesën mes komuniteteve të tjera tradicionale në Tiranë, përmes vlerave civilizuese, bashkëpunuese dhe qytetare të saj”.

Po ashtu, duke konsideruar propozimin e kryesisë së kësaj Shoqate, Presidenti i Republikës i akordoi prof. dr. Petrit Bara titullin “Mjeshtër i Madh”, me motivacionin: ” Në vlerësim të kontributit të shquar në fushën e mjekësisë dhe në atë të jetës akademike e universitare. I dalluar për nivelin e lartë profesional, përkushtimin dhe cilësitë njerë

zore. Hartues i suksesshëm i një sërë tekstesh universitare dhe traktatesh në fushën e mjekësisë”.

Ky dekorim u bë në një ceremoni mbresëlënëse me praninë e dhjetëra akademikëve e profesorëve të njohur, të cilët nderuan kolegun e tyre, Petrit Bara, profesorin e mirënjohur që demonstron një model të ri sjelljeje dhe përkushtimi ndaj bashkëqytetarëve.

Petrit Bara u lind më 11.01.1952 në Peshkopi. Përveç diplomimit si mjek në Universitetin e Tiranës, më 1977, me rezultate të shkëlqyera, kreu specializimet jashtë shtetit për terapi intensive koronare dhe ekokardiografi në Turqi ( Ankara), Trafik Hastanesi, 6 muaj ( korrik – dhjetor 1992); emergjenca kardiovaskulare, terapi intensive, ekzaminime joinvazive ( Holter, Ekokardiografi, Provë ushtrimore) në – Itali ( Bari), Policlinico di Bari ( Përgjegjës – Prof. Ritzon), 3 muaj ( korrik – tetor 2001) dhe sërish – Itali ( Romë), Ospedale Sandro Pertini, shtator 2004. Si njohës i tri gjuhëve të huaja ( anglisht, gjermanisht dhe rusisht), prof. dr. Petrit Bara do të udhëheqë ndër vite titujt e projekteve: Hipertensioni arterial dhe komplikacionet e tij – më 1998, si dhe infarkti akut i miokardit dhe rehabilitimi i tij më 2001. Ai njihet në rrethet akademike e shkencore si botues i disa teksteve me vlera të pallogaritshme shkencore, si: “Trajtimi farmakologjik i urgjencave kardiovaskulare”, “Sëmundjet e brendshme”, “Trajtimi i urgjencave hipertensive” ( monografi), Statistika – tekst për shkollat e larta të infermierisë, Shëndeti Publik – Manual për shkollat e larta të Infermierisë, “Sëmundjet e brendshme”, “Fakulteti i Infermierisë dhe Fiziologjia patologjike. Po ashtu, prof. dr. Petrit Bara, si një nga personalitetet më në zë të kardiologjisë, njihet si kryeredaktor i revistës “Infermieria dhe mjekësia bashkëkohore” dhe si pedagog pranë Fakultetit të Shkencave të Mjekësisë në Universitetin Shtetëror të Tetovës, që nga viti 2003 për lëndën e fizio- patologjisë. Në këtë profil punoi me devotshmëri e përkushtim si mjek kardiolog, shef i pavijonit të kardiologjisë në Qendrën Spitalore Universitare “Nënë Tereza” të Tiranës, si pedagog, themelues dhe dekan për një dekadë i Fakultetit të Infermierisë. Personaliteti dhe karakteri i tij në asnjë rast nuk devijoi, por u shpalos dinjitoz për më shumë se tri dekada në funksion të zhvillimit dhe modernizimit të shkencave mjekësore. Ishte nga të parët që i fali shpirtin dhe zemrën ëndrrës së dëshiruar në vite. Në këtë përditshmëri mbetet një nga figurat më interesante si përfaqësues i elitës intelektuale shqiptare. Ndaj, edhe pas titujve “Qytetar Nderi” i Dibrës, Bulqizës e Tetovës, që i kanë dhënë atij bashkitë e qyteteve respektive, dekorimi i djeshëm nga Presidenti i Republikës, Ilir Meta, me titullin “Mjeshtër i Madh”, është vlerësim i meritave dhe kontributit të intelektualit, demokratit dhe kuadrit shembullor Petrit Bara. Ai, para së gjithash, vlerësohet për kontributin e çmuar dhe fisnik në progresin e diturive shkencore në lëmin e mjekësisë.

Presidenti i Republikës, Ilir Meta, sot në 110- vjetorin e Kongresit historik të Dibrës, dekoroi gjithashtu prof. dr. Luan Hajdaraga ( pas vdekjes) me titullin: “Kalorës i Urdhrit të Skënderbeut”, me motivacionin: ” Në vlerësim të kontributit të tij tepër të spikatur, në fushën e shkencave psikosociale, si punonjës shkencor i dalluar, profesor dhe doktor i shkencave psikologjike, drejtues i vyer i Institutit për Studime Pedagogjikë. Ministër i Shtetit Shqiptar, në drejtimin e Ministrisë së Mbrojtjes dhe zëvendësministër i Punëve të Jashtme. Kontribuues i rëndësishëm në jetën politike shqiptare gjatë viteve 1992- 2018".

Kreu i shtetit shqiptar, Ilir Meta, dekoroi gjithashtu një nga përfaqësuesit e denjë të komunitetit dibran në Tiranë si dhe biznesmenin e suksesshëm dibran, Faik Bruçi, me titullin: “Mjeshtër i Madh”, me motivacionin: ” Në vlerësim të kontributit të çmuar në ndërtimin e Hidrocentralit të Fierzës, Komanit, si dhe në ndërtimin e linjave të tensionit të lartë në mbarë vendin. I dalluar si humanist dhe kontribuues në veprimtari social- kulturore. Promovues i vlerave patriotike e historike kombëtare. Një nga përfaqësuesit e denjë të komunitetit dibran në Tiranë”.

Presidenti i Republikës, Ilir Meta, dekoroi sot edhe z. FAIK SHATKU ( DIBRA) me titullin: “Kalorës i Urdhrit të Skënderbeut”, me motivacionin: “Në vlerësim të kontributit të shquar për drejtimin me vendosmëri dhe angazhim të një sërë detyrash dhe dikasteresh publike në shtetin e sapoformuar shqiptar. Kryetar i Kryqit të Kuq Shqiptar, deputet, anëtar i Komisionit për Kodifikimin e Ligjeve, nënkryetar i Këshillit të Shtetit, ministër i Arsimit Kombëtar dhe zëvendëskryeministër e ministër i Drejtësisë, gjatë periudhës së Republikës dhe Mbretërisë Shqiptare. Kontribuues në dekadat e para të shek. XX, i cili punoi në institucionet e larta shtetërore për ndërtimin e shtetit të ri Shqiptar. Një ndër themeluesit e klubit patriotik “Djelmënia Dibrane”. PRINTED AND DISTRIBUTED BY PRESSREADER PressReader. com + 1 604 278 4604 ORIGINAL COPY . ORIGINAL COPY . ORIGINAL COPY . ORIGINAL COPY . ORIGINAL COPY . ORIGINAL COPY COPYRIGHT AND PROTECTED BY APPLICABLE LAW